وزیر اعلیٰ خیبر پختونخوا سہیل آفریدی نے کراچی میں جلسہ روکنے کی کوششوں کو مسترد کرتے ہوئے واضح کیا ہے کہ وہ ریلی کی صورت میں باغ جناح پہنچ رہے ہیں اور جلسہ ہر صورت ہو کر رہے گا۔ ویڈیو پیغام میں ان کا کہنا تھا کہ سندھ کے عوام نے محبت دی مگر سندھ حکومت نے اجرک اور ٹوپی کی لاج نہیں رکھی اور باغ جناح کے راستے بند کر دیے گئے۔
نمائش چورنگی پر پاکستان تحریک انصاف کے کارکنان اور پولیس کے درمیان شدید کشیدگی دیکھنے میں آئی، پولیس نے مظاہرین کو منتشر کرنے کے لیے شیلنگ کی جبکہ 30 کارکنان کو حراست میں لے لیا گیا، پولیس موبائل پر پتھراؤ کی فوٹیج بھی سامنے آ گئی۔
بیرسٹر گوہر نے سندھ حکومت سے مطالبہ کیا ہے کہ وزیراعلیٰ خیبر پختونخوا کے دورہ سندھ کے آخری دن بدمزگی نہ پیدا کی جائے، پی ٹی آئی کا جلسہ قانون کے مطابق اور جمہوری انداز میں ہوگا۔
وزیراعلیٰ خیبر پختونخوا سہیل آفریدی کراچی پہنچ گئے، ایئرپورٹ پر سعید غنی نے استقبال کیا، ٹریفک جام کی صورتحال
پاکستان تحریک انصاف نے دہشت گردوں کی سہولت کاری کے الزامات کو مسترد کرتے ہوئے کہا ہے کہ دہشت گردی ایک قومی مسئلہ ہے جس پر سیاست نہیں ہونی چاہیے۔
اڈیالہ جیل میں بانی پی ٹی آئی عمران خان اور ان کی اہلیہ بشریٰ بی بی کی 45 منٹ طویل ملاقات ہوئی، جس میں صحت اور زیرِ سماعت مقدمات پر گفتگو کی گئی۔
وزیراعلیٰ خیبرپختونخوا محمد سہیل آفریدی نے واضح کیا ہے کہ پاکستان تحریک انصاف کے بانی عمران خان نے انہیں اسٹیبلشمنٹ سے بات چیت کا کوئی ٹاسک نہیں دیا، تاہم وہ صوبائی معاملات پر اسٹیبلشمنٹ سے رابطے اور تعلقات بہتر بنانے کے لیے تیار ہیں۔ انہوں نے ضم اضلاع کے بقایاجات، وفاقی واجبات، امن و امان، کرپشن کے خاتمے اور بانی پی ٹی آئی کی رہائی سے متعلق بھی تفصیلی موقف اختیار کیا۔
اسلام آباد کی انسداد دہشت گردی عدالت نے 9 مئی 2023 کے فسادات سے متعلق مقدمات میں یوٹیوبر عادل راجا، صحافی وجاہت سعید خان، صابر شاکر، شاہین صہبائی، اینکر حیدر رضا مہدی، تجزیہ کار معید پیرزادہ اور سابق فوجی افسر اکبر حسین کو ریاستی اداروں کے خلاف ڈیجیٹل دہشت گردی، پاکستان کے خلاف جنگ چھیڑنے اور مجرمانہ سازش کے الزامات میں دو، دو عمر قید کی سزائیں سنا دیں۔
پی پی 289 ڈیرہ غازی خان کے ضمنی الیکشن میں 11 امیدواروں میں سے 9 دستبردار ہو گئے، مسلم لیگ ن کے اسامہ عبدالکریم بلا مقابلہ کامیابی کے قریب۔
وزیراعلیٰ خیبر پختونخوا سہیل آفریدی نے 9 جنوری کو کراچی اور سندھ کے دورے کا اعلان کر دیا ہے۔ وزیراعلیٰ کے مطابق وہ بانی چیئرمین پاکستان تحریک انصاف عمران خان کا پیغام لے کر کراچی پہنچیں گے، جہاں وہ پارٹی رہنماؤں اور کارکنان سے ملاقاتیں کریں گے۔ اس دورے کو پی ٹی آئی کی سیاسی سرگرمیوں کے حوالے سے اہم قرار دیا جا رہا ہے۔
