پاکستان نے بھارت میں مذاکرات کی آوازوں کو مثبت پیش رفت قرار دے دیا
پاکستان نے بھارت میں مذاکرات کی حمایت کرنے والی آوازوں کو مثبت پیش رفت قرار دیتے ہوئے کہا ہے کہ بھارتی حکومت کے ردعمل کا انتظار ہے۔ ترجمان دفتر خارجہ کے مطابق پاکستان خطے میں امن، استحکام اور خوشحالی کے لیے بامعنی مذاکرات اور سفارتکاری پر یقین رکھتا ہے۔
ڈی جی آئی ایس پی آر کا دوٹوک اعلان، پاکستان نے معرکہ حق میں صرف 10 فیصد طاقت دکھائی
ڈی جی آئی ایس پی آر میجر جنرل احمد شریف چوہدری نے کہا کہ معرکہ حق میں پاکستان نے اپنی اصل طاقت کا صرف ایک حصہ دکھایا، دشمن نے دوبارہ آزمایا تو بھرپور جواب دیا جائے گا۔ انہوں نے بھارتی بیانیے، دہشت گردی کے الزامات اور افغان سرزمین کے استعمال پر بھی سخت مؤقف اپنایا۔
وزیر اعظم شہباز شریف کا عالمی امن فورم سے خطاب: دہشت گردی کا نیا خطرہ افغان سرزمین سے سر اٹھا رہا ہے
وزیراعظم شہباز شریف نے ترکمانستان کے دارالحکومت اشک آباد میں عالمی امن فورم سے خطاب کرتے ہوئے خبردار کیا کہ دہشت گردی کا ایک نیا اور سنگین خطرہ دوبارہ افغان سرزمین سے جنم لے رہا ہے، جس کے لیے عالمی برادری کو افغان حکام پر ذمہ داریاں پوری کرنے کے لیے زور دینا ہوگا۔ انہوں نے کہا کہ تنازعات کا پُرامن حل پاکستان کی خارجہ پالیسی کا بنیادی ستون ہے، جبکہ غزہ میں جنگ بندی کے لیے پاکستان نے فعال کردار ادا کیا۔ وزیراعظم نے قطر، ترکیہ، سعودی عرب، یو اے ای اور ایران کا تعاون پر خصوصی شکریہ بھی ادا کیا۔
تاجکستان ڈرون حملے میں چینی شہریوں کی ہلاکت کی پاکستان کی مذمت
پاکستان نے تاجکستان میں چینی کمپنی کے 3 ملازمین کی ڈرون حملے میں ہلاکت کی شدید مذمت کی ہے۔ دفتر خارجہ کے مطابق مسلح ڈرون کا استعمال افغانستان سے درپیش بڑھتے ہوئے خطرے کو ظاہر کرتا ہے۔ پاکستان نے چین اور تاجکستان سے اظہار افسوس کرتے ہوئے کہا کہ افغان سرزمین کا دہشت گردی کے لیے استعمال خطے کے امن کے لیے بڑا خطرہ ہے۔
افغان سرزمین دہشت گردی کے لیے استعمال نہیں ہونے دیں گے: فیلڈ مارشل
فیلڈ مارشل عاصم منیر نے کہا کہ افغان سرزمین دہشت گردی کے لیے استعمال نہیں ہونے دیں گے، پاکستان امن چاہتا ہے مگر اپنی خودمختاری کے دفاع کے لیے ہر قدم اٹھائے گا۔