خضدار اور گردونواح میں 3.3 شدت کا زلزلہ، مرکز خضدار سے تقریباً 70 کلومیٹر مغرب میں
بلوچستان کے ضلع خضدار اور اس کے ملحقہ علاقوں میں زلزلے کے جھٹکے محسوس کیے گئے، جس سے شہریوں میں خوف و ہراس پھیل گیا۔ زلزلہ پیما مرکز کے مطابق زلزلے کی شدت 3.3 ریکارڈ کی گئی جبکہ اس کی گہرائی 8 کلومیٹر تھی۔ زلزلے کا مرکز خضدار سے تقریباً 70 کلومیٹر مغرب میں واقع تھا۔ جھٹکے محسوس ہوتے ہی لوگ کلمہ طیبہ کا ورد کرتے ہوئے گھروں سے باہر نکل آئے، تاہم خوش قسمتی سے کسی قسم کے جانی یا مالی نقصان کی اطلاع موصول نہیں ہوئی۔
مینگورہ میں زلزلہ، شہریوں میں خوف و ہراس، شدت 4.1 ریکارڈ
مینگورہ میں زلزلے کے جھٹکے محسوس کیے گئے، شدت 4.1 ریکارڈ ہوئی، شہری خوفزدہ ہو کر گھروں سے باہر نکل آئے، مرکز ہندوکش ریجن تھا۔
زلزلہ خیبر پختونخوا: زمین لرز اٹھی، عوام خوفزدہ
خیبر پختونخوا کے مختلف اضلاع میں زلزلے کے جھٹکوں نے عوام کو خوف و ہراس میں مبتلا کر دیا۔ خوش قسمتی سے کوئی جانی یا مالی نقصان رپورٹ نہیں ہوا، تاہم ماہرین نے خبردار کیا ہے کہ پاکستان ایک فعال زلزلہ زون میں واقع ہے جہاں مسلسل تیاری ناگزیر ہے۔
پنجاب اور خیبرپختونخوا میں زلزلے کے شدید جھٹکے، ریکٹر اسکیل پر 6.0 ریکارڈ
پنجاب اور خیبرپختونخوا سمیت ملک کے مختلف شہروں میں رات گئے زلزلے کے شدید جھٹکے محسوس کیے گئے۔ ریکٹر اسکیل پر زلزلے کی شدت 6.0 ریکارڈ کی گئی جبکہ مرکز کوہ ہندوکش ریجن تھا۔ شہری خوفزدہ ہو کر گھروں سے باہر نکل آئے، تاہم کسی جانی نقصان کی اطلاع نہیں ملی۔