پیپلز پارٹی اتحادی جماعت، تعلقات کو احترام اور قدر کی نگاہ سے دیکھتے ہیں، وزیراعظم شہباز شریف
وزیراعظم شہباز شریف نے کہا ہے کہ پاکستان پیپلز پارٹی ہماری اتحادی جماعت ہے جس کے ساتھ تعلقات احترام اور قدر کی بنیاد پر قائم ہیں۔
وزیراعظم ہاؤس میں بلاول بھٹو زرداری کی قیادت میں پیپلز پارٹی وفد سے ملاقات کے دوران ملکی سیاسی صورتحال، غزہ امن معاہدے میں پاکستان کے کردار اور دونوں جماعتوں کے تعلقات پر تفصیلی گفتگو ہوئی۔
اس موقع پر دونوں جانب سے مخالفانہ بیان بازی کے خاتمے اور باہمی احترام کے تسلسل پر اتفاق کیا گیا۔
نومنتخب وزیراعلیٰ سہیل آفریدی نے عہدے کا حلف اٹھا لیا، گورنر خیبر پختونخواہ نے حلف لیا
خیبر پختونخوا کے نومنتخب وزیراعلیٰ سہیل آفریدی نے گورنر فیصل کریم کنڈی سے عہدے کا حلف اٹھالیا۔ تقریب گورنر ہاؤس پشاور میں منعقد ہوئی جس میں پی ٹی آئی رہنماؤں اور کارکنان نے بڑی تعداد میں شرکت کی۔ سہیل آفریدی نے اپنے خطاب میں امن، روزگار اور گورننس میں بہتری کو اپنی ترجیحات قرار دیا۔
مریم نواز کی بلاول بھٹو پر تنقید :بینظیرانکم سپورٹ کے 10ہزار سے متاثرین کا کچھ نہیں بنے گا،10 لاکھ روپے کے ریلیف پیکج کا اعلان،
وزیراعلیٰ پنجاب مریم نواز نے ڈیرہ غازی خان میں خطاب کرتے ہوئے سیلاب متاثرین کے لیے 10 لاکھ روپے فی خاندان ریلیف پیکج کا اعلان کیا۔ انہوں نے پیپلزپارٹی اور بلاول بھٹو پر تنقید کرتے ہوئے کہا کہ پنجاب اپنے وسائل پر انحصار کرے گا اور بیرونی امداد نہیں مانگے گا۔ مریم نواز نے کہا کہ 10 ہزار روپے ناکافی ہیں اور متاثرین کو باعزت بحالی کے لیے خطیر رقم دی جائے گی۔ انہوں نے الیکٹرک بس منصوبے کا افتتاح بھی کیا اور کہا کہ جنوبی پنجاب کے عوام کو خصوصی توجہ دی جارہی ہے۔
صدر آصف علی زرداری کا دورہ چین کے دوران جے 10 سی طیارے بنانیوالے ایئر کرافٹ کمپلیکس کا دورہ
صدر مملکت آصف علی زرداری نے چین کے جے 10 سی ایئرکرافٹ کمپلیکس کا تاریخی دورہ کیا جہاں انہیں جدید طیاروں، ڈرون ٹیکنالوجی اور دفاعی پیداوار کے منصوبوں پر بریفنگ دی گئی۔ یہ دورہ پاک چین اسٹریٹجک شراکت داری کو نئی بلندیوں پر لے گیا اور خطے میں طاقت کے توازن پر گہرے اثرات مرتب کرے گا۔
معرکہ حق میں فتح: فیلڈ مارشل سید عاصم منیر کو ہلال جرات، ائیر چیف اور بلاول سمیت وفاقی وزراء اعلیٰ کو بھی اعزازات سے نواز دیا گیا
اسلام آباد میں معرکہ حق کی تاریخی فتح کے موقع پر ایک شاندار تقریب منعقد ہوئی، جس میں سول و عسکری قیادت اور بہادر افسران کو اعلیٰ اعزازات سے نوازا گیا۔ صدر آصف علی زرداری نے افسران اور سول شخصیات کو ہلال جرات، نشان امتیاز، ستارہ بسالت اور تمغہ بسالت سے نوازا، جبکہ پاک فضائیہ کے بہادر پائلٹس کو بھی ستارہ جرات سے سرفراز کیا گیا۔