پاکستان ریلوے کی عیدالاضحیٰ کمائی 90 کروڑ روپے سے تجاوز، 4 لاکھ مسافروں نے سفر کیا
عیدالاضحیٰ کی چھٹیوں میں پاکستان ریلوے نے ریکارڈ 90 کروڑ 30 لاکھ روپے سے زائد آمدن حاصل کی، جبکہ 4 لاکھ کے قریب مسافروں نے ٹرینوں کے ذریعے سفر کیا۔
تیز گام ایکسپریس ڈی ریل، راولپنڈی سے لاہور جانے والی ٹرین پٹڑی سے اتر گئی
راولپنڈی سے لاہور جانے والی تیز گام ایکسپریس سہالہ اور چک لالہ کے درمیان پٹڑی سے اتر گئی، خوش قسمتی سے کوئی جانی نقصان نہیں ہوا۔
وزیراعظم شہباز شریف کی زیر صدارت پاکستان ریلوے پر اجلاس، نظام کی بحالی اور اپ گریڈیشن کے اقدامات پر بریفنگ
اسلام آباد میں وزیراعظم محمد شہباز شریف کی زیر صدارت پاکستان ریلوے کے امور سے متعلق اہم اجلاس ہوا، جس میں ریلوے کی بحالی، جدید کاری، بین الاقوامی رابطوں اور آؤٹ سورسنگ کے جامع پلان پر تفصیلی بریفنگ دی گئی۔ وزیراعظم نے خطاب میں کہا کہ ریلوے کسی بھی ملک کی معیشت اور مواصلات کی ریڑھ کی ہڈی ہوتی ہے اور پاکستان ریلوے کو جدید خطوط پر استوار کرنے کے لیے اٹھائے گئے اقدامات قابل ستائش ہیں۔ انہوں نے وزیر ریلوے حنیف عباسی اور ان کی ٹیم کی کوششوں کو سراہتے ہوئے بین الاقوامی معیار کے قانونی و معاشی ماہرین کی خدمات لینے کی ہدایت کی۔
وزیراعظم شہباز شریف: ریلوے کی ڈیجیٹائزیشن معیشت کیلئے اہم، کراچی سرکلر ریلوے جدید خطوط پر بحال ہوگی
وزیراعظم شہباز شریف نے کہا ہے کہ پاکستان ریلوے کی ڈیجیٹائزیشن اور جدید سہولیات کی فراہمی ملکی معیشت کو مضبوط بنیاد فراہم کرے گی۔ کراچی کینٹ اسٹیشن کی تزئین و آرائش اور شالیمار ایکسپریس کی نئی شکل و صورت کے افتتاح پر انہوں نے کہا کہ وفاقی اور سندھ حکومت مل کر کراچی سرکلر ریلوے کو جدید تقاضوں کے مطابق بحال کریں گے۔ وزیراعظم نے کہا کہ جدید ٹرینیں، آؤٹ سورسنگ ماڈل اور اسٹیشن اپ گریڈیشن ریلوے کی بحالی کا اہم حصہ ہیں۔