کسٹمز انفورسمنٹ کوئٹہ کی بڑی کارروائی، 25 کروڑ سے زائد مالیت کا اسمگل شدہ سامان ضبط
کسٹمز انفورسمنٹ کوئٹہ نے خفیہ اطلاعات کی بنیاد پر قلات میں بڑی کارروائی کرتے ہوئے 25 کروڑ 13 لاکھ روپے مالیت کا اسمگل شدہ غیر ملکی چھالیہ اور کپڑا ضبط کر لیا۔ یہ کارروائی قانون نافذ کرنے والے اداروں اور ضلعی انتظامیہ کی معاونت سے کی گئی۔ حکام کے مطابق ڈاکٹر کرم الٰہی کی قیادت میں اسمگلنگ کے خلاف سخت اقدامات کے باعث قومی خزانے کو اربوں روپے کا فائدہ پہنچ رہا ہے، جبکہ ایف بی آر نے اس عزم کا اعادہ کیا ہے کہ اسمگلنگ کے خلاف بلاامتیاز کارروائیاں جاری رہیں گی۔
اسلام آباد:صدرمملکت آصف علی زرداری نے پٹرولیم ترمیمی بل 2025 کی منظوری دے دی ہے۔
صدر مملکت آصف علی زرداری نے پٹرولیم ترمیمی بل 2025 کی منظوری دے دی۔ نئے قانون کے تحت اسمگلنگ، غیر قانونی پٹرول پمپس اور ٹیکس چوری کے خلاف سخت کارروائیاں کی جائیں گی جبکہ آئی ٹی بیسڈ ٹریکنگ سسٹم بھی متعارف کرایا جائے گا۔