پاک افغان سیز فائر طالبان حکومت کی درخواست پرکیا، طویل مدتی امن کیلئے گیند اب کابل کے کورٹ میں ہے، وزیراعظم
وزیراعظم شہباز شریف نے وفاقی کابینہ کے اجلاس کے بعد پریس کانفرنس میں افغانستان کو واضح پیغام دیا کہ پاکستان نے 48 گھنٹے کے لیے سیز فائر انسانی ہمدردی کے تحت کیا، مگر اب فیصلہ کابل کو کرنا ہے کہ وہ امن چاہتا ہے یا تصادم۔ انہوں نے کہا کہ افغان سرزمین سے دہشتگردی برداشت نہیں کی جائے گی، اور پاکستان اپنے دفاع کا ہر حق محفوظ رکھتا ہے۔ شہباز شریف نے غزہ امن معاہدے، فلسطینی ریاست، اور آئی ایم ایف پروگرام پر بھی اہم گفتگو کی۔
ایف بی آر کا بڑا فیصلہ: کراچی پورٹ سے افغان ٹرانزٹ ٹریڈ کی ٹرانسپورٹیشن غیر معینہ مدت کیلئے معطل
فیڈرل بورڈ آف ریونیو (ایف بی آر) نے افغان ٹرانزٹ ٹریڈ کی ٹرانسپورٹیشن فوری طور پر روکنے کے احکامات جاری کر دیے، کراچی اور پورٹ قاسم کے تمام ٹرمینلز پر کلیئرنس معطل کر دی گئی۔
صدرِ آصف علی زرداری سے فیلڈ مارشل عاصم منیر کی ملاقات، افغان سرحدی صورتحال اور پاک فوج ردعمل پر بریفنگ
صدر مملکت آصف علی زرداری سے فیلڈ مارشل سید عاصم منیر نے ایوان صدر میں ملاقات کی، جس میں افغان طالبان کے سرحدی حملوں، اسپن بولدک اور کُرم سیکٹر کی صورتحال پر بریفنگ دی گئی۔ صدر نے پاک فوج کے کردار، بہادری اور دفاعی تیاریوں کو سراہا اور قومی خودمختاری کے دفاع کے عزم کا اعادہ کیا۔
پاک افغان سرحد پر شدید جھڑپ؛ کرم سیکٹر میں افغان طالبان کی پوسٹیں تباہ، طالبان کی پھر بلااشتعال فائرنگ
کرم سیکٹر میں پاک-افغان سرحد پر ایک بار پھر افغان طالبان کی بلااشتعال فائرنگ، پاک فوج کے بروقت اور مؤثر جوابی کارروائی سے طالبان پوسٹوں اور ایک ٹینک کو تباہ کر دیا گیا۔ سیکیورٹی ذرائع کے مطابق متعدد طالبان ہلاک ہو کر پوسٹیں چھوڑ کر فرار ہوگئے۔ وزارتِ دفاع نے کشیدہ حالات کی تصدیق کرتے ہوئے کہا ہے کہ دونوں ممالک کے درمیان تعلقات منقطع ہیں اور کسی بھی وقت دوبارہ جھڑپیں شروع ہو سکتی ہیں۔ وزیراعظم شہباز شریف نے واضح کیا کہ اب دہشت گردی کے خلاف ٹھوس فیصلوں کا وقت آ چکا ہے۔
پاک افغان فورسز میں فائرنگ کے بعد طورخم بارڈر بند، آمدورفت اور تجارت معطل
پاک افغان فورسز کے درمیان فائرنگ کے تبادلے اور کشیدہ صورتحال کے باعث طورخم بارڈر دونوں اطراف سے ہر قسم کی تجارتی سرگرمیوں اور پیدل آمدورفت کے لیے بند کر دیا گیا۔ تمام مال بردار گاڑیوں کو لنڈی کوتل منتقل کر دیا گیا جبکہ سرحد کے دونوں جانب شہریوں کو شدید مشکلات کا سامنا ہے۔
پاکستان فوج کی افغان طالبان پر جوابی کارروائی، کئی ٹینک تباہ
پاکستان فوج نے افغان طالبان فورسز کی اشتعال انگیزی کے جواب میں بھرپور کارروائی کرتے ہوئے متعدد ٹینک تباہ کر دیے۔ ذرائع کے مطابق پاک فوج نے ژوب سیکٹر میں طالبان کی اہم پوسٹ پر قبضہ کر کے قومی پرچم لہرا دیا۔
بھارت افغانستان میں سفارتخانہ دوبارہ کھولنے جا رہا ہے،بھارتی وزیر خارجہ کی افغان وزیرخارجہ سے ملاقات
بھارت نے تین سال بعد افغانستان میں اپنا سفارتخانہ دوبارہ فعال کرنے کا فیصلہ کیا ہے۔ بھارتی وزیرِ خارجہ سبرامنیم جے شنکر نے اعلان کیا کہ کابل میں موجود "تکنیکی مشن” کو اب سفارتخانے کی سطح پر اپ گریڈ کیا جائے گا۔ یہ فیصلہ طالبان کے ساتھ تعلقات میں نئی پیش رفت کے طور پر دیکھا جا رہا ہے، جس کے بعد جنوبی ایشیا میں سفارتی توازن میں تبدیلی کے آثار نمایاں ہیں۔
افغانستان انٹرنیٹ بندش نے شہریوں اور کاروبار کو شدید متاثر کیا
افغانستان انٹرنیٹ بندش طالبان حکومت کے حکم پر نافذ ہوئی، جس سے شہری زندگی، طلبہ، کاروبار اور میڈیا بری طرح متاثر ہوئے۔ عالمی برادری نے بھی اس اقدام پر تشویش ظاہر کی۔
افغانستان زلزلہ جاں بحق افراد کی تعداد 1 ہزار سے تجاوز، ہزاروں گھر تباہ
افغانستان زلزلہ جاں بحق افراد کی تعداد ایک ہزار سے تجاوز کر گئی، 3251 افراد زخمی اور 8 ہزار سے زائد مکانات زمین بوس۔ کنڑ اور ننگرہار سب سے زیادہ متاثر۔ امدادی کارروائیاں جاری، عالمی برادری کی مدد کی اپیل۔
افغانستان میں زلزلے سے اموات 800 ہوگئیں، 2800 سے زائد زخمی
افغانستان ایک بار پھر خوفناک زلزلے کی لپیٹ میں آگیا ہے، جس کے نتیجے میں بڑے پیمانے پر تباہی اور انسانی جانوں کا نقصان ہوا ہے۔ افغان حکام کے مطابق افغانستان میں زلزلے سے اموات کی تعداد بڑھ کر 800 ہوچکی ہے جبکہ 2800 سے زائد افراد زخمی ہیں۔ امریکی جیولوجیکل سروے کے مطابق 6.0 شدت کا زلزلہ ننگرہار صوبے کے قریب آیا جس کا مرکز جلال آباد سے 27 کلومیٹر مشرق میں اور گہرائی محض 8 کلومیٹر ریکارڈ کی گئی۔ سب سے زیادہ نقصان صوبہ کنڑ میں ہوا جہاں سیکڑوں مکانات تباہ ہوگئے اور ہزاروں لوگ متاثر ہوئے۔ زخمیوں کو مختلف اسپتالوں میں منتقل کیا جا رہا ہے لیکن طبی سہولیات اور امدادی سامان کی شدید قلت ہے۔ پاکستان سمیت خطے کے دیگر ممالک میں بھی جھٹکے محسوس کیے گئے تاہم وہاں کسی جانی نقصان کی اطلاع نہیں ملی۔ عالمی برادری اور امدادی ادارے فوری ریلیف آپریشن کی تیاریوں میں مصروف ہیں تاکہ متاثرین کو بروقت سہارا فراہم کیا جا سکے۔