سولر پینلز کی قیمتوں میں اضافہ کا امکان، بجٹ میں ٹیکس بڑھانے کی تجویز
پاکستان میں سولر انرجی استعمال کرنے والے صارفین کے لیے بری خبر، آئندہ مالی سال کے وفاقی بجٹ میں سولر پینلز پر سیلز ٹیکس 10 فیصد سے بڑھا کر 18 فیصد کرنے کی تجاویز پر غور شروع کر دیا گیا ہے۔ آئی ایم ایف کے مطالبات کے تحت ٹیکس استثنیٰ ختم ہونے سے ملک میں سولر پینلز کی قیمتوں میں اضافہ کا قوی امکان ہے، جس سے سولر سسٹمز کی مجموعی لاگت بڑھ جائے گی اور متبادل توانائی کا فروغ متاثر ہوگا۔