اسرائیل کے مغربی کنارے تک توسیعی عزائم پر پاکستان کی شدید مذمت: عالمی قانون اور فلسطینی حقوق کی کھلی خلاف ورزی
اسلام آباد — پاکستان نے اسرائیل کے مقبوضہ مغربی کنارے پر اپنی خودمختاری کے توسیعی عزائم کی شدید مذمت کی ہے۔ دفترِ خارجہ نے کہا ہے کہ یہ اقدام بین الاقوامی قانون، اقوامِ متحدہ کی قراردادوں اور فلسطینی عوام کے بنیادی حقوق کی کھلی خلاف ورزی ہے۔ اسرائیلی پارلیمان کی جانب سے مغربی کنارے کے انضمام سے متعلق بل کی ابتدائی منظوری پر ردِعمل دیتے ہوئے پاکستان نے عالمی برادری سے مطالبہ کیا ہے کہ وہ اسرائیل کو اس غیر قانونی عمل سے روکے۔ دفترِ خارجہ کے مطابق اسرائیلی اقدامات نہ صرف عالمی امن کو خطرے میں ڈال رہے ہیں بلکہ فلسطینی ریاست کے قیام کے امکانات کو بھی نقصان پہنچا رہے ہیں۔ پاکستان نے اس عزم کا اعادہ کیا ہے کہ وہ فلسطینی عوام کے حقِ خودارادیت، آزادی اور انصاف کی جدوجہد میں ان کے ساتھ کھڑا رہے گا۔
مودی سے کہا ہے پاکستان کے ساتھ جنگ نہیں ہونی چاہیے، ٹرمپ کا دیوالی کی تقریب سے خطاب
سابق امریکی صدر ڈونلڈ ٹرمپ نے انکشاف کیا ہے کہ انہوں نے بھارتی وزیرِاعظم نریندر مودی سے بات کر کے پاکستان کے ساتھ جنگ سے گریز کی تاکید کی۔ ان کے مطابق، ان کی سفارتی مداخلت کے باعث جنوبی ایشیا میں کشیدگی میں کمی آئی اور ممکنہ جنگ ٹل گئی۔
پاک افغان سیز فائر طالبان حکومت کی درخواست پرکیا، طویل مدتی امن کیلئے گیند اب کابل کے کورٹ میں ہے، وزیراعظم
وزیراعظم شہباز شریف نے وفاقی کابینہ کے اجلاس کے بعد پریس کانفرنس میں افغانستان کو واضح پیغام دیا کہ پاکستان نے 48 گھنٹے کے لیے سیز فائر انسانی ہمدردی کے تحت کیا، مگر اب فیصلہ کابل کو کرنا ہے کہ وہ امن چاہتا ہے یا تصادم۔ انہوں نے کہا کہ افغان سرزمین سے دہشتگردی برداشت نہیں کی جائے گی، اور پاکستان اپنے دفاع کا ہر حق محفوظ رکھتا ہے۔ شہباز شریف نے غزہ امن معاہدے، فلسطینی ریاست، اور آئی ایم ایف پروگرام پر بھی اہم گفتگو کی۔
ایف بی آر کا بڑا فیصلہ: کراچی پورٹ سے افغان ٹرانزٹ ٹریڈ کی ٹرانسپورٹیشن غیر معینہ مدت کیلئے معطل
فیڈرل بورڈ آف ریونیو (ایف بی آر) نے افغان ٹرانزٹ ٹریڈ کی ٹرانسپورٹیشن فوری طور پر روکنے کے احکامات جاری کر دیے، کراچی اور پورٹ قاسم کے تمام ٹرمینلز پر کلیئرنس معطل کر دی گئی۔
سونا نئی بلند ترین سطح پر پہنچ گیا، فی تولہ قیمت 4 لاکھ 40 ہزار 900 روپے ہوگئی
سونے کے نرخوں میں اضافے کا سلسلہ تھم نہ سکا، عالمی مارکیٹ میں فی اونس قیمت 58 ڈالر بڑھ کر 4 ہزار 198 ڈالر ہوگئی، جس کے اثرات کے تحت پاکستان میں بھی فی تولہ سونا 4 لاکھ 40 ہزار 900 روپے کی نئی بلند ترین سطح پر پہنچ گیا۔
لا نینا کے اثرات : پاکستان میں سخت ترین سردی پڑنے کا امکان، ماہرین نے خبردار کردیا
ماہرین نے خبردار کیا ہے کہ رواں سال “لا نینا” کے باعث پاکستان کو غیر معمولی سردی کا سامنا کرنا پڑے گا۔ شمالی علاقوں میں درجہ حرارت میں نمایاں کمی اور سیلاب متاثرین کے لیے سخت مشکلات متوقع ہیں۔ ماحولیاتی ادارے فصلوں، صحت، اور خوراک پر سنگین اثرات کی پیش گوئی کر رہے ہیں۔
1.2 ارب ڈالر قسط کی راہ ہموار، پاکستان اور آئی ایم ایف معاہدہ اس ہفتے متوقع، وزیر خزانہ
وفاقی وزیر خزانہ محمد اورنگزیب نے کہا ہے کہ پاکستان اور آئی ایم ایف کے درمیان اسٹاف لیول معاہدہ رواں ہفتے طے پانے کی امید ہے، جس کے بعد 1.2 ارب ڈالر کی قسط کا اجراء ممکن ہوگا۔
انہوں نے بتایا کہ مذاکرات تعمیری ماحول میں ہوئے ہیں جبکہ پی آئی اے نجکاری، بجلی کمپنیوں کی فروخت اور گرین بانڈ اجراء پر بھی پیش رفت ہوئی ہے۔
ماہرین کے مطابق یہ معاہدہ پاکستانی معیشت کے لیے اعتماد بحالی کا اشارہ ثابت ہو سکتا ہے۔
ٹرمپ کا غزہ امن سربراہی اجلاس سے خطاب، معاہدے پر شہباز شریف اور فیلڈ مارشل کا شکریہ،شہبازشریف کو خطاب کی دعوت
شرم الشیخ میں منعقدہ تاریخی غزہ امن معاہدے میں امریکی صدر ڈونلڈ ٹرمپ، السیسی، اردوان، امیر قطر اور وزیراعظم شہباز شریف نے شرکت کی۔
اس معاہدے سے برسوں کی جنگ کے بعد مشرقِ وسطیٰ میں امن، ترقی اور استحکام کے نئے دور کا آغاز ہوا۔ ٹرمپ نے اعلان کیا کہ “ہم نے جنگ نہیں، امن جیتا ہے۔”
وزیراعظم شہباز شریف نے کہا کہ “صدر ٹرمپ نوبیل امن انعام کے حقیقی مستحق ہیں۔”
ڈی آئی خان پولیس ٹریننگ سنٹر حملہ ، شہداء کی نماز جنازہ ادا ، 7 اہلکار شہید، 6 دہشت گرد جہنم واصل
ڈیرہ اسمٰعیل خان میں پولیس ٹریننگ اسکول پر دہشت گردوں کے حملے کو پولیس اور سیکیورٹی فورسز نے بروقت کارروائی سے ناکام بنا دیا۔ پانچ گھنٹے طویل آپریشن میں 6 دہشت گرد ہلاک اور 7 بہادر اہلکار جامِ شہادت نوش کر گئے۔ آئی جی خیبر پختونخوا نے جوانوں کی بہادری کو خراجِ تحسین پیش کیا۔
اب ٹھوس فیصلے کرنے کا وقت آچکا ہے، وزیراعظم شہباز شریف کا دہشت گردی کے خلاف دوٹوک اعلان
وزیراعظم شہباز شریف نے وفاقی کابینہ اجلاس میں دوٹوک اعلان کیا کہ دہشت گردی کے خلاف اب فیصلہ کن وقت آچکا ہے۔ انہوں نے کہا کہ قوم کے شہداء نے اپنے خون سے وطن کی سرحدوں کو محفوظ کیا، اب مزید تاخیر کی گنجائش نہیں۔ ٹھوس اور عملی فیصلے کر کے دہشت گردی کا ہمیشہ کے لیے خاتمہ کیا جائے گا۔