قطر پر اسرائیلی حملے کے خلاف پاکستان کا سلامتی کونسل کا ہنگامی اجلاس بلانے کا مطالبہ : وزیر خارجہ
اسلام آباد — پاکستان نے قطر کے خلاف اسرائیل کی فضائی جارحیت کو اقوام متحدہ کے چارٹر کی سنگین خلاف ورزی قرار دیتے ہوئے سلامتی کونسل کا ہنگامی اجلاس بلانے کا مطالبہ کیا ہے۔ نائب وزیراعظم و وزیر خارجہ اسحٰق ڈار نے کہا کہ پاکستان قطر کی خودمختاری اور سلامتی کے دفاع میں اس کے ساتھ کھڑا ہے۔ عالمی برادری سے اسرائیل کی غیر ذمہ دارانہ کارروائیوں کو روکنے کا مطالبہ بھی کیا گیا ہے۔
پاک فوج کا سیلاب سے متاثرہ دربار صاحب کرتارپور میں بحالی کا کام جاری
پاک فوج اور سول انتظامیہ کی مشترکہ کوششوں سے سیلاب سے متاثرہ دربار صاحب کرتارپور میں بحالی، صفائی اور مرمت کا عمل تیزی سے جاری ہے، سکھ برادری نے بروقت اقدامات پر شکریہ ادا کیا۔
اسلام آباد موسلادھار بارش: نالہ لئی میں پانی کی سطح بلند، واسا نے ہائی الرٹ جاری کیا
اسلام آباد اور راولپنڈی میں موسلادھار بارش کے نتیجے میں کئی علاقے زیرآب آگئے، سڑکیں تالاب کا منظر پیش کرنے لگیں جبکہ نالہ لئی میں پانی کی سطح تشویشناک حد تک بلند ہوگئی۔ واسا نے ایمرجنسی نافذ کرتے ہوئے عملے کو ہائی الرٹ کر دیا ہے۔
افغانستان میں زلزلے سے اموات 800 ہوگئیں، 2800 سے زائد زخمی
افغانستان ایک بار پھر خوفناک زلزلے کی لپیٹ میں آگیا ہے، جس کے نتیجے میں بڑے پیمانے پر تباہی اور انسانی جانوں کا نقصان ہوا ہے۔ افغان حکام کے مطابق افغانستان میں زلزلے سے اموات کی تعداد بڑھ کر 800 ہوچکی ہے جبکہ 2800 سے زائد افراد زخمی ہیں۔ امریکی جیولوجیکل سروے کے مطابق 6.0 شدت کا زلزلہ ننگرہار صوبے کے قریب آیا جس کا مرکز جلال آباد سے 27 کلومیٹر مشرق میں اور گہرائی محض 8 کلومیٹر ریکارڈ کی گئی۔ سب سے زیادہ نقصان صوبہ کنڑ میں ہوا جہاں سیکڑوں مکانات تباہ ہوگئے اور ہزاروں لوگ متاثر ہوئے۔ زخمیوں کو مختلف اسپتالوں میں منتقل کیا جا رہا ہے لیکن طبی سہولیات اور امدادی سامان کی شدید قلت ہے۔ پاکستان سمیت خطے کے دیگر ممالک میں بھی جھٹکے محسوس کیے گئے تاہم وہاں کسی جانی نقصان کی اطلاع نہیں ملی۔ عالمی برادری اور امدادی ادارے فوری ریلیف آپریشن کی تیاریوں میں مصروف ہیں تاکہ متاثرین کو بروقت سہارا فراہم کیا جا سکے۔
وزیرداخلہ محسن نقوی کی سعودی سفیر سے ملاقات،دو طرفہ تعلقات سمیت اہم امور پر تبادلہ خیال
وفاقی وزیر داخلہ محسن نقوی نے سعودی سفارت خانے کے دورے کے دوران کہا کہ پاکستان اور سعودی عرب کے تعلقات خونی رشتوں کی مانند ہیں۔ انہوں نے اعلان کیا کہ بھکاری مافیا کے خلاف زیرو ٹالرنس پالیسی اپنائی گئی ہے جبکہ سعودی عرب نے بھی ہر مشکل وقت میں پاکستان کا ساتھ دینے کے عزم کا اعادہ کیا۔
پنجاب میں مون سون کا 9 واں اسپیل شروع، پی ڈی ایم اے اور این ڈی ایم اے نے ہنگامی الرٹ جاری کر دیا
پنجاب سمیت ملک بھر میں مون سون کا نواں اسپیل شروع ہو گیا ہے جو 2 ستمبر تک جاری رہے گا۔ پی ڈی ایم اے اور این ڈی ایم اے نے شہریوں کو احتیاطی تدابیر اپنانے اور ضلعی انتظامیہ کو ہنگامی صورتحال سے نمٹنے کے لیے الرٹ رہنے کی ہدایت جاری کی ہے۔
وزیراعظم شہباز شریف نے سیلابی صورتحال پر اعلیٰ سطح کا اجلاس بلانے کا فیصلہ
وزیراعظم شہباز شریف نے ملک بھر میں بارشوں اور سیلابی خطرات کے پیش نظر اعلیٰ سطح اجلاس بلانے کا فیصلہ کیا ہے جس میں چاروں صوبوں کے وزرائے اعلیٰ، آزاد کشمیر اور گلگت بلتستان کے وزرائے اعلیٰ سمیت متعلقہ ادارے شریک ہوں گے۔
بےنظیر انکم سپورٹ پروگرام سے سرکاری افسران کو اربوں روپے کے کیش ٹرانسفر کا انکشاف
اسلام آباد میں پبلک اکاؤنٹس کمیٹی کے اجلاس میں چونکا دینے والا انکشاف سامنے آیا ہے کہ بےنظیر انکم سپورٹ پروگرام کے اربوں روپے کے فنڈز سرکاری افسران نے اپنے اکاؤنٹس میں منتقل کیے، جس سے غرباء و مستحقین ان کے حق سے محروم ہو گئے۔
صاحبزادہ حسن رضا سنی اتحاد کونسل کے قائم مقام چیئرمین مقرر – الیکشن کمیشن کا بڑا فیصلہ
صاحبزادہ حسن رضا سنی اتحاد کونسل کے قائم مقام چیئرمین مقرر کر دیے گئے۔ الیکشن کمیشن کے مطابق یہ تقرری آئین کے مطابق انٹرا پارٹی الیکشن تک عارضی طور پر کی گئی ہے۔ حامد رضا کی نااہلی کے بعد یہ بڑی سیاسی پیش رفت سمجھی جا رہی ہے۔
پیٹرولیم مصنوعات 2025: عالمی مارکیٹ کے زیر اثر پاکستان میں قیمتوں میں اضافہ متوقع
پیٹرولیم مصنوعات 2025 میں اضافے کا امکان ہے کیونکہ گزشتہ 13 دنوں میں عالمی مارکیٹ میں خام تیل کی قیمتوں میں نمایاں اضافہ ہوا ہے۔ برطانوی برینٹ اور امریکی خام تیل دونوں کی قیمتیں بڑھ گئی ہیں۔ اوگرا 31 اگست کو سمری حکومت کو بھجوائے گا جبکہ حتمی منظوری وزیر اعظم شہباز شریف دیں گے۔