متحدہ عرب امارات نے نیتن یاہو کے مبینہ خفیہ دورے کی تردید کر دی
متحدہ عرب امارات نے ان میڈیا رپورٹس کو سختی سے مسترد کر دیا ہے جن میں دعویٰ کیا گیا تھا کہ اسرائیل کے وزیراعظم بنیامین نیتن یاہو نے ایران اور اسرائیل کے درمیان کشیدگی کے دوران امارات کا خفیہ دورہ کیا اور اعلیٰ سطحی ملاقاتیں کیں۔ اماراتی وزارت خارجہ نے سوشل میڈیا پلیٹ فارم “ایکس” پر جاری بیان میں واضح کیا کہ ایسی تمام خبریں بے بنیاد اور افواہوں پر مبنی ہیں۔
پاکستان سعودی دفاعی معاہدہ کسی تیسرے ملک کیخلاف نہیں ہے، دفتر خارجہ
پاکستان اور سعودی عرب نے ایک تاریخی اسٹریٹجک دفاعی معاہدہ طے کیا ہے جسے خطے میں سیاسی اور عسکری توازن کی نئی سمت قرار دیا جا رہا ہے۔ وزیراعظم شہباز شریف اور سعودی ولی عہد محمد بن سلمان نے اس معاہدے پر دستخط کیے جس کے تحت دونوں ممالک کسی بھی بیرونی جارحیت کے خلاف مشترکہ دفاع کریں گے۔ دفتر خارجہ کے مطابق یہ معاہدہ کسی تیسرے ملک کو نشانہ بنانے کے بجائے محض باہمی تعاون اور خطے میں امن کے فروغ کے لیے ہے۔ بھارت نے اس پر گہری نظر رکھنے کا اعلان کیا ہے جبکہ ماہرین کے مطابق یہ معاہدہ مشرق وسطیٰ اور جنوبی ایشیا کی جغرافیائی سیاست پر گہرے اثرات ڈال سکتا ہے۔