وزیراعظم کی دعوت پر یو اے ای کے صدر شیخ محمد بن زاید ایک روزہ سرکاری دورے پر پاکستان پہنچ گئے
وزیراعظم شہباز شریف کی دعوت پر متحدہ عرب امارات کے صدر شیخ محمد بن زاید النہیان ایک روزہ سرکاری دورے پر پاکستان پہنچ گئے۔ دورے کے دوران دوطرفہ تعلقات، تجارت، سرمایہ کاری، توانائی اور علاقائی امور پر تبادلہ خیال کیا جائے گا جبکہ اسلام آباد میں عام تعطیل اور سیکیورٹی انتظامات کیے گئے ہیں۔
وزیراعظم شہباز شریف کی کرسمس تقریب میں شرکت، مسیحی برادری کو مذہبی آزادی اور مساوی حقوق کی یقین دہانی
وزیراعظم شہباز شریف نے کرسمس کی تقریب سے خطاب کرتے ہوئے کہا کہ پاکستان میں اقلیتوں کو مکمل مذہبی آزادی حاصل ہے، مسیحی برادری کی خدمات قابلِ فخر ہیں اور حکومت ان کے حقوق کے تحفظ کے لیے پوری طرح پرعزم ہے۔
وزیراعظم شہباز شریف کا نیشنل ریگولیٹری ریفارمز کی افتتاحی تقریب سے خطاب: پاکستان معاشی بحران سے نکل چکا ہے
وزیراعظم شہباز شریف نے نیشنل ریگولیٹری ریفارمز کی تقریب سے خطاب میں کہا کہ پاکستان معاشی بحران سے نکل آیا ہے اور معیشت مستحکم ہو رہی ہے۔
دو روزہ سرکاری دورے پر وزیرِ اعظم شہباز شریف ترکمانستان روانہ، جہاں اعلیٰ سطحی بین الاقوامی فورم میں شرکت کریں گے
وزیر اعظم محمد شہباز شریف ترکمانستان کے صدر سردار بردی محمدوف کی دعوت پر دو روزہ سرکاری دورے پر اشک آباد روانہ ہو گئے، جہاں وہ بین الاقوامی سال برائے امن و اعتماد 2025 کے ہائی لیول فورم میں شرکت کریں گے۔ دورے کے دوران وزیر اعظم متعدد عالمی رہنماؤں سے دوطرفہ ملاقاتیں کریں گے، جن میں توانائی، علاقائی تعاون اور اقتصادی شراکت داری سمیت اہم امور زیر بحث آئیں گے۔ ان کے ہمراہ اسحاق ڈار، اویس لغاری، عطا تارڑ اور اعلیٰ حکام بھی موجود ہیں۔
وزیر اعظم شہباز شریف کا قومی علما کنونشن سے خطاب: افواج پاکستان کے خلاف پروپیگنڈا ناقابل برداشت ہے
وزیر اعظم محمد شہباز شریف نے کہا ہے کہ افواجِ پاکستان کی قربانیوں کا مذاق اڑانے اور ان کے خلاف پروپیگنڈا کسی صورت برداشت نہیں کیا جائے گا۔ اسلام آباد میں قومی علما کنونشن سے خطاب کرتے ہوئے انہوں نے کہا کہ افواجِ پاکستان نے اپنے لہو سے تاریخ رقم کی اور دشمن کو ایسی شکست دی جو قیامت تک یاد رکھی جائے گی۔ وزیر اعظم نے قومی یکجہتی، فرقہ واریت کے خاتمے اور ملک کی سلامتی کے لیے علما کے کردار کو انتہائی اہم قرار دیا۔
پی آئی اے نجکاری میں دلچسپی رکھنے والے کاروباری شخصیات کی وزیر اعظم سے ملاقات، شفاف عمل اور لائیو بِڈنگ کا اعلان
وزیرِ اعظم شہباز شریف نے کہا ہے کہ پی آئی اے کی نجکاری مکمل شفافیت کے ساتھ ہوگی اور بِڈنگ کا عمل 23 دسمبر کو ملک بھر میں تمام ٹی وی چینلز پر براہ راست دکھایا جائے گا۔ انہوں نے کہا کہ قومی ایئر لائن کا کھویا ہوا تشخص بحال کرنے، عالمی پروازوں کی بحالی اور اسے جدید تقاضوں سے ہم آہنگ کرنے کی حکومتی کوششیں تیزی سے جاری ہیں۔ وزیرِ اعظم نے امید ظاہر کی کہ نجکاری کے بعد پی آئی اے دوبارہ ’گریٹ پیپل ٹو فلائی وِد‘ کا اعزاز حاصل کرے گا۔
تیل و گیس تلاش کے لیے پاکستان اور ترکیہ کے درمیان 5 اہم توانائی معاہدوں پر دستخط
پاکستان اور ترکیہ نے منگل کے روز توانائی اور معدنیات کے شعبوں میں تعاون کو نئی سطح پر لے جاتے ہوئے تیل و گیس کی تلاش کے لیے 5 اہم مفاہمتی یادداشتوں (MoUs) اور تفویضِ حقوق کی دستاویزات پر دستخط کیے۔ یہ تاریخی پیش رفت ترک وزیرِ توانائی و قدرتی وسائل الپ ارسلان بائرقدار کی سربراہی میں اعلیٰ سطحی وفد کے دورہ پاکستان کے دوران ممکن ہوئی، جہاں وفد نے وزیرِ اعظم شہباز شریف، آرمی چیف فیلڈ مارشل عاصم منیر، وزیرِ پیٹرولیم علی پرویز ملک اور وزیرِ توانائی اویس لغاری سے ملاقاتیں کیں۔
وزیراعظم شہباز شریف کا بحرین بزنس کمیونٹی سے خطاب پاکستان میں سرمایہ کاری کی دعوت
وزیراعظم شہباز شریف نے بحرین کی بزنس کمیونٹی کو پاکستان میں سرمایہ کاری کی دعوت دیتے ہوئے کہا کہ دونوں ممالک زراعت، آئی ٹی، مصنوعی ذہانت اور ٹیکنالوجی سمیت متعدد شعبوں میں شراکت داری بڑھا سکتے ہیں۔ انہوں نے کہا کہ پاکستان کی 60 فیصد نوجوان آبادی ملک کی سب سے بڑی طاقت ہے، جسے جدید ٹیکنالوجی اور ہنر مند تربیت کے ذریعے عالمی معیشت کا فعال حصہ بنایا جا رہا ہے۔
دو روزہ سرکاری دورے پر وزیراعظم شہباز شریف بحرین روانہ، پاک بحرین باہمی شراکت داری مضبوط بنانےکا عزم
وزیراعظم شہباز شریف اعلیٰ سطحی وفد کے ہمراہ دو روزہ سرکاری دورے پر بحرین روانہ ہوگئے ہیں، جہاں وہ بحرین کے بادشاہ حمد بن عیسیٰ الخلیفہ، ولی عہد و وزیراعظم شہزادہ سلمان بن حمد الخلیفہ اور نائب وزیراعظم شیخ خالد بن عبداللہ الخلیفہ سے اہم ملاقاتیں کریں گے۔ دفتر خارجہ کے مطابق یہ دورہ پاکستان اور بحرین کے دیرینہ تعلقات کی مضبوطی، نئی شراکت داری کی راہیں متعین کرنے اور دونوں ممالک کے درمیان نتائج پر مبنی تعاون کو فروغ دینے کے لیے انتہائی اہمیت رکھتا ہے۔
پاکستان اور سعودی عرب تعلقات مزید مضبوط بنانے پر اتفاق، وزیراعظم اور سعودی عسکری قیادت کی اہم ملاقات
اسلام آباد میں وزیراعظم شہباز شریف اور سعودی چیف آف جنرل اسٹاف جنرل فیاض بن حمید الرویلی کے درمیان اہم ملاقات ہوئی، جس میں اقتصادی، دفاعی اور سیکیورٹی تعاون کو مزید مضبوط بنانے پر اتفاق کیا گیا۔ ملاقات میں آرمی چیف فیلڈ مارشل عاصم منیر بھی موجود تھے۔ دونوں ممالک نے دہشت گردی کے خاتمے اور علاقائی استحکام کے لیے مشترکہ عزم کا اعادہ کیا۔