وزیراعظم شہباز شریف کی کرسمس تقریب میں شرکت، مسیحی برادری کو مذہبی آزادی اور مساوی حقوق کی یقین دہانی
وزیراعظم محمد شہباز شریف نے پاکستان کی مسیحی برادری کے ساتھ کرسمس کی خوشیاں مناتے ہوئے وزیراعظم ہاؤس میں منعقدہ ایک خصوصی تقریب میں شرکت کی۔ اس موقع پر مسیحی برادری کے رہنماؤں کے علاوہ وفاقی وزراء، ارکانِ پارلیمنٹ، غیر ملکی سفارتکار اور دیگر اقلیتی برادریوں کے نمائندے بھی موجود تھے۔
شہباز شریف کی کرسمس تقریب میں شرکت کے دوران وزیراعظم نے کیک کاٹا اور مسیحی برادری کو کرسمس کی دلی مبارکباد پیش کی۔ اپنے خطاب میں وزیراعظم شہباز شریف نے کہا کہ حضرت عیسیٰ علیہ السلام پوری انسانیت کے لیے محبت، بردباری اور خدمت کا پیغام لے کر آئے، اور آج کی دنیا کو اس پیغام کی پہلے سے کہیں زیادہ ضرورت ہے۔
وزیراعظم نے کہا کہ پاکستان کی مسیحی برادری نے تعلیم، صحت، دفاع اور دیگر اہم شعبوں میں نمایاں خدمات انجام دی ہیں، جو ملک کے لیے باعثِ فخر ہیں۔ انہوں نے مسلح افواج میں خدمات انجام دینے والے مسیحی افسران اور جوانوں کی قربانیوں کو خراجِ تحسین پیش کرتے ہوئے کہا کہ وطنِ عزیز کے دفاع میں جانیں نچھاور کرنے والے مسیحی بھائیوں کو قوم کبھی فراموش نہیں کرے گی۔
شہباز شریف کی کرسمس تقریب میں شرکت واضح کیا کہ پاکستان میں ہر شہری کو اپنے مذہب پر عمل کرنے کی مکمل آئینی آزادی حاصل ہے، چاہے وہ مسجد ہو، مندر، گرجا گھر یا گوردوارہ۔ انہوں نے کہا کہ مذہبی آزادی پاکستان کے آئین کا حصہ ہے اور حکومت اس پر مکمل عملدرآمد کی پابند ہے۔
وزیراعظم شہباز شریف کی کرسمس تقریب میں شرکت اس دوران دوٹوک انداز میں کہا کہ اگر کسی اقلیتی شہری کے ساتھ ناانصافی یا زیادتی کی گئی تو قانون پوری قوت سے حرکت میں آئے گا اور کسی کو مذہب کے نام پر من مانی کی اجازت نہیں دی جائے گی۔ ان کا کہنا تھا کہ اسلام مساوات، عدل، انصاف اور انسانی احترام کا درس دیتا ہے، جبکہ نبی کریم ﷺ کی تعلیمات بھی عدل اور انسانی وقار کے تحفظ پر مبنی ہیں۔
انہوں نے اس عزم کا اعادہ کیا کہ حکومت اقلیتوں کی ترقی، خوشحالی اور حقوق کے تحفظ کے لیے ان کے شانہ بشانہ کھڑی ہے۔ وزیراعظم نے کہا کہ پاکستان سب شہریوں کا مشترکہ وطن ہے، جہاں تمام افراد کو برابر کے حقوق حاصل ہیں۔ اس موقع پر انہوں نے سابق وزیراعظم محمد نواز شریف کے دور میں اقلیتوں کے حقوق کے تحفظ کے اقدامات کو بھی سراہا۔
"حضرت عیسیٰ علیہ السلام رب ذوالجلال کا معجزہ اور اس خدائے بزرگ و برتر کی روشن نشانی اور انسانیت پر اللہ تعالیٰ کی عنایت تھے۔ اللہ تعالیٰ نے قرآن کریم میں حضرت عیسیٰ علیہ السلام اور ان کی عظیم والدہ حضرت مریم علیہ السلام کا ذکر نہایت اعلیٰ انداز میں بیان فرمایا ہے اور حضرت مریم… pic.twitter.com/7QMj0FDDWj
— Government of Pakistan (@GovtofPakistan) December 25, 2025
