اسلام آباد ہائیکورٹ نے توہینِ مذہب کے مقدمات کی شفاف تحقیقات کے لیے وفاقی حکومت کو کمیشن تشکیل دینے کا حکم دے دیا۔
جسٹس سردار اعجاز اسحاق خان نے توہینِ مذہب کے مقدمات کی تحقیقات سے متعلق درخواستوں پر سماعت کی۔ عدالت نے درخواستیں منظور کرتے ہوئے حکم دیا کہ وفاقی حکومت 30 دن کے اندر تحقیقاتی کمیشن تشکیل دے۔
عدالتی حکم کے مطابق، یہ کمیشن چار ماہ میں اپنی کارروائی مکمل کرے گا۔ تاہم، اگر مزید وقت درکار ہو تو کمیشن عدالت سے رجوع کر سکتا ہے۔
