جے ایس ایچ کیو میں جنرل ساحر شمشاد مرزا کے اعزاز میں الوداعی تقریب، 40 سالہ خدمات کو شاندار خراجِ تحسین ،
راولپنڈی (رئیس الاخبار) :— جوائنٹ اسٹاف ہیڈکوارٹرز (JSHQ) میں جنرل ساحر شمشاد مرزا کے اعزاز میں الوداعی تقریب کا انعقاد کیا گیا، جس میں انہیں مسلح افواج کی جانب سے گارڈ آف آنر پیش کیا گیا۔ تقریب میں ان کی چار دہائیوں پر محیط عسکری خدمات کو بھرپور خراجِ تحسین پیش کیا گیا۔
آئی ایس پی آر کے مطابقجنرل ساحر شمشاد مرزا کے اعزاز میں الوداعی تقریب میں سابق چیئرمین جوائنٹ چیفس، سینیئر افسران اور عسکری قیادت نے شرکت کی۔ شرکائے تقریب نے جنرل ساحر شمشاد مرزا کی 40 سالہ خدمات، مشن، قیادت اور دفاعی امور میں کردار کو سراہا۔
آئی ایس پی آر کے اعلامیے میں کہا گیا ہے کہ اس موقع پر جنرل ساحر شمشاد مرزا نے اپنے فرائض احسن انداز میں ادا کرنے پر اللہ تعالیٰ کا شکر ادا کیا اور کہا کہ موجودہ جیو اسٹریٹجک حالات میں مضبوط دفاع قومی سلامتی کی بنیادی ضرورت ہے۔
انہوں نے کہا کہ “قوم کا دفاع ناقابلِ تسخیر ہے اور افواج پاکستان اسے مزید مستحکم بنانے کے لیے ہر وقت تیار ہے۔”
جنرل ساحر شمشاد مرزا کے اعزاز میں الوداعی تقریب کے دوران مادرِ وطن کے دفاع میں مسلح افواج کی قربانیوں، شہداء اور ان کے اہلِ خانہ کو بھی زبردست خراجِ عقیدت پیش کیا گیا۔
آئی ایس پی آر نے مزید بتایا کہ پاکستان آرمی ملک کی سالمیت اور سیکورٹی کے لیے ہر محاذ پر تیار ہے اور پیشہ ورانہ ذمہ داریاں بھرپور طریقے سے نبھا رہی ہے۔
#ISPR
Rawalpindi, 26 November, 2025
Today a special ceremony was held at Joint Staff Headquarters to bid farewell to General Sahir Shamshad Mirza, NI, NI (M), the outgoing Chairman Joint Chiefs of Staff Committee, after completing 40 years of distinguished military service.
The… pic.twitter.com/W55GwxWpqF
— Pakistan Armed Forces News 🇵🇰 (@PakistanFauj) November 26, 2025
