راولپنڈی: فیلڈ مارشل سید عاصم منیر سے جی ایچ کیو میں لیبیا کے کمانڈر انچیف لیفٹیننٹ جنرل صدام خلیفہ حفتر نے ملاقات کی جس میں باہمی دلچسپی کے امور، خطے کی صورتحال، سکیورٹی چیلنجز اور دفاعی تعاون پر تفصیلی تبادلہ خیال کیا گیا۔
آئی ایس پی آر کے مطابق ملاقات میں سکیورٹی چیلنجز سے نمٹنے کے لیے دفاعی صنعت میں تعاون اور تکنیکی مہارت کے تبادلے پر اتفاق کیا گیا۔ معزز مہمان کا جی ایچ کیو آمد پر پرتپاک استقبال کیا گیا اور انہیں گارڈ آف آنر بھی پیش کیا گیا۔
لیفٹیننٹ جنرل صدام خلیفہ نے جی ایچ کیو میں یادگار شہدا پر حاضری دی اور پھول چڑھاکر پاک فوج کے شہدا کو خراج عقیدت پیش کیا۔
