پاکستان، مصر کے ساتھ 250 کاروباری اداروں کی فہرست شیئر کرے گا:اسحاق ڈار کی مصری وزیرخارجہ کے ساتھ مشترکہ پریس کانفرنس

پاکستان، مصر کے ساتھ 250 کاروباری اداروں کی فہرست شیئر کرے گا: اسحاق ڈار، اسحاق ڈار کی مصری وزیرخارجہ کے ساتھ مشترکہ پریس کانفرنس

اسلام آباد(رئیس الاخبار) :— ڈپٹی وزیراعظم اور وزیرِ خارجہ اسحاق ڈار نے کہا ہے کہ پاکستان دوطرفہ تجارتی روابط کو مؤثر اور تیز رفتار انداز میں آگے بڑھانے کے لیے معیشت کے مختلف شعبوں سے تعلق رکھنے والے 250 اہم کاروباری اداروں کی جامع فہرست مصر کے ساتھ شیئر کرے گا۔ یہ اعلان انہوں نے اسلام آباد میں مصری وزیرِ خارجہ بدر عبدالعاطی کے ساتھ مشترکہ پریس کانفرنس سے خطاب کرتے ہوئے کیا۔

بدر عبدالعاطی گزشتہ رات دو روزہ سرکاری دورے پر اسلام آباد پہنچے، جہاں وہ پاکستان کی اعلیٰ سیاسی و عسکری قیادت سے ملاقاتیں کر رہے ہیں۔ اس دوران دونوں ممالک کے درمیان علاقائی امور، معاشی تعاون، سرمایہ کاری، سلامتی کے حالات اور عالمی سطح پر مشترکہ مؤقف پر بات چیت ہو رہی ہے۔

پاکستان—مصر تعلقات کے نئے امکانات

ااسحاق ڈار کی مصری وزیرخارجہ کے ساتھ مشترکہ پریس کانفرنس میں کہا کہ بدر عبدالعاطی کا یہ دورہ پاکستان اور مصر کے درمیان تاریخی، مذہبی اور ثقافتی رشتوں کی مضبوطی کا عکاس ہے۔ انہوں نے کہا کہ دونوں ممالک نے سیاسی، دفاعی، اقتصادی، ثقافتی اور عوامی سطح پر تعلقات کو نئی جہت دینے پر اتفاق کیا ہے، جس سے دوطرفہ تعاون میں نمایاں اضافہ متوقع ہے۔

ڈپٹی وزیراعظم نے کہا کہ آج ہونے والی بات چیت نہایت سودمند رہی اور دونوں ممالک نے اس بات پر اتفاق کیا کہ تعلقات کو مزید منظم فریم ورک کے تحت آگے بڑھایا جائے گا اور شراکت داری کے نئے دروازے کھولے جائیں گے۔

تجارت میں اضافہ—250 کاروباری اداروں کی فہرست شیئر کرنے کا فیصلہ

اسحاق ڈار کی مصری وزیرخارجہ کے ساتھ مشترکہ پریس کانفرنس میں بتایا کہ دونوں ممالک کا موجودہ دوطرفہ تجارتی حجم تقریباً 30 کروڑ ڈالر ہے، جو کہ موجودہ تعلقات کی گہرائی کے مقابلے میں ’’ناکافی‘‘ ہے۔ انہوں نے کہا کہ پاکستان نے مصری قیادت کے ساتھ مشاورت کے بعد فیصلہ کیا ہے کہ وہ 250 نمایاں کاروباری اداروں کی فہرست مصر کو فراہم کرے گا تاکہ باہمی سرمایہ کاری، صنعتی تعاون اور تجارتی سرگرمیوں کو بہتر انداز میں مربوط کیا جا سکے۔

انہوں نے کہا کہ ان کاروباری اداروں کو حکومت پاکستان کی جانب سے مکمل سہولت فراہم کی جائے گی، جبکہ مصر کی حکومت بھی اپنے کاروباری طبقے کو پاکستان کے ساتھ سرگرمیوں میں حصہ لینے کے لیے متحرک کرے گی۔

علاقائی اور عالمی امور پر مشترکہ مؤقف

ڈپٹی وزیراعظم اسحاق ڈار کی مصری وزیرخارجہ کے ساتھ مشترکہ پریس کانفرنس کہا کہ ملاقات میں خطے کی صورتحال، خصوصاً غزہ کے بحران پر تفصیلی گفتگو ہوئی۔ انہوں نے کہا کہ پاکستان مصر کے انسانی بنیادوں پر کیے جانے والے کردار اور فلسطینی عوام کے دفاع کے لیے سفارتی کوششوں کو قدر کی نگاہ سے دیکھتا ہے۔

اسحاق ڈار نے مزید کہا کہ دونوں ممالک نے بھارت کے زیرِ قبضہ کشمیر، افغانستان کی صورتحال، اور او آئی سی سمیت مختلف عالمی و علاقائی فورمز پر تعاون جاری رکھنے پر اتفاق کیا ہے۔

مصری وزیر خارجہ کا بیان—پاکستان ہمارا دوسرا گھر ہے

مشترکہ پریس کانفرنس سے خطاب کرتے ہوئے مصری وزیر خارجہ بدر عبدالعاطی نے پاکستان کو اپنا ’’دوسرا گھر‘‘ قرار دیتے ہوئے حالیہ دہشتگرد حملوں میں ہونے والے جانی نقصان پر افسوس کا اظہار کیا۔ انہوں نے کہا کہ مصر دہشتگردی کے خلاف پاکستان کے ساتھ مکمل یکجہتی میں کھڑا ہے۔

انہوں نے کہا کہ پاکستان اور مصر کو کئی شعبوں میں مشترکہ چیلنجز کا سامنا ہے، جنہیں حل کرنے کے لیے دونوں ممالک کے درمیان قریبی تعاون ناگزیر ہے۔ بدر عبدالعاطی نے کہا کہ وہ دونوں ممالک کے تعلقات کو ’’تزویراتی سطح‘‘ تک لے جانا چاہتے ہیں۔

مشترکہ وزارتی کمیٹی کو دوبارہ فعال کرنے پر اتفاق

مصری وزیر خارجہ نے کہا کہ پاکستان اور مصر کے درمیان موجودہ ادارہ جاتی مکالمہ مزید فعال کیا جائے گا۔ انہوں نے 2010 سے غیر فعال مشترکہ وزارتی کمیٹی کے اجلاس کو دوبارہ بلانے پر آمادگی ظاہر کی، اور کہا کہ یہ مناسب وقت ہے کہ دونوں ممالک تمام شعبوں—سیاست، اقتصادیات، سرمایہ کاری، تجارت، سلامتی، مذہب اور ثقافت—کے لیے روڈ میپ پر متفق ہوں۔

انہوں نے کہا کہ مصری صدر عبدالفتاح السیسی نے انہیں خاص طور پر ہدایت کی ہے کہ وہ پاکستان کے ساتھ تعلقات کو نئی بلندیوں تک لے جائیں اور دوطرفہ تعاون میں کوئی رکاوٹ باقی نہ رہے۔

دوطرفہ تعلقات کے لیے نئے مواقع

اسحاق ڈار کی مصری وزیرخارجہ کے ساتھ مشترکہ پریس کانفرنس کہا کہ پاکستان مصر کے ساتھ اپنے سفارتی، تجارتی، سیکورٹی اور دفاعی تعلقات کو غیر معمولی اہمیت دیتا ہے اور دونوں ممالک کے درمیان حالیہ روابط میں مثبت پیش رفت سے خوشی محسوس ہوتی ہے۔ انہوں نے کہا کہ پاکستان اور مصر کا برادرانہ تعلق دنیا بھر میں ایک مثال ہے، اور اب دونوں ممالک پر ذمہ داری عائد ہوتی ہے کہ اسے عملی تعاون کی بلند ترین سطح تک پہنچایا جائے۔

دفتر خارجہ کے مطابق ڈپٹی وزیراعظم اسحاق ڈار نے آج صبح وزیر خارجہ بدر عبدالعاطی کو وزارتِ خارجہ پہنچنے پر خوش آمدید کہا، جہاں دونوں رہنماؤں کے درمیان اہم دوطرفہ مشاورت بھی ہوئی۔

🔴LIVE: Joint Press Conference between the DPM/FM of Pakistan and FM of Egypt https://t.co/SwDM0PgBUq
— Ministry of Foreign Affairs - Pakistan (@ForeignOfficePk) November 30, 2025