وزیر اعظم شہباز شریف کا قومی علما کنونشن سے خطاب: افواج پاکستان کے خلاف پروپیگنڈا ناقابل برداشت ہے، اپنی افواج کی قربانیوں کا مذاق اڑائیں گے تو دنیا پاکستان کی عزت کیوں کرے
اسلام آباد (رئیس الاخبار) :– وزیر اعظم محمد شہباز شریف نے کہا ہے کہ افواجِ پاکستان کے خلاف پروپیگنڈا کسی صورت برداشت نہیں کیا جائے گا، کیونکہ یہ وہ فورس ہے جس نے اپنے لہو سے وطنِ عزیز کا دفاع کیا اور دشمن کو ایسی شکست دی جو وہ قیامت تک نہیں بھول سکے گا۔ انہوں نے کہا کہ اگر ہم خود اپنی افواج کی قربانیوں کا مذاق اڑائیں گے تو دنیا پاکستان کی عزت کیوں کرے گی۔
اسلام آباد میں منعقدہ قومی علما کنونشن سے خطاب کرتے ہوئے وزیر اعظم نے افواجِ پاکستان کے کردار کو سراہتے ہوئے کہا کہ علما کرام سمیت پوری قوم کی یہ ذمہ داری ہے کہ وہ اپنی مسلح افواج کے شانہ بشانہ کھڑی ہو اور ان کے خلاف منفی مہمات کا بھرپور جواب دے۔ ان کا کہنا تھا کہ پاکستان کی سلامتی اور خودمختاری کے لیے افواج پاکستان نے بے مثال قربانیاں دی ہیں۔
وزیر اعظم شہباز شریف کا قومی علما کنونشن سے خطاب کہا کہ معرکۂ حق میں افواج پاکستان نے دلیری، جرأت اور پیشہ ورانہ مہارت کا مظاہرہ کیا۔ انہوں نے کہا کہ فیلڈ مارشل سید عاصم منیر نے اس جنگ کی قیادت انتہائی حکمت اور جرأت سے کی، جس کے نتیجے میں دشمن کو عبرتناک شکست کا سامنا کرنا پڑا۔
وزیر اعظم شہباز شریف نے کہا کہ دشمن کے خلاف اس کامیابی میں صرف عسکری قیادت ہی نہیں بلکہ ہر سپاہی کی قربانیاں شامل ہیں۔ انہوں نے کہا کہ قوم کی دعاؤں، افواج کی قربانیوں اور قیادت کے اتحاد نے پاکستان کو سرخرو کیا اور پوری دنیا نے اس کامیابی کا اعتراف کیا۔
شہباز شریف کا قومی علما کنونشن سے خطاب میں زور دیتے ہوئے کہا کہ ملک میں ترقی اس وقت تک ممکن نہیں جب تک قوم میں مکمل یکجہتی پیدا نہ ہو۔ ان کا کہنا تھا کہ فرقہ واریت اور باہمی نفرت نے ہمیشہ پاکستان کو نقصان پہنچایا ہے، اور اب وقت آ گیا ہے کہ ان رویوں کو ختم کیا جائے۔ وزیر اعظم نے افسوس کا اظہار کرتے ہوئے کہا کہ آج بھی بعض مکاتب فکر کے افراد ایک دوسرے کے پیچھے نماز پڑھنے سے انکار کرتے ہیں، جو کہ امتِ مسلمہ کے اتحاد کے منافی ہے۔
شہباز شریف نے تحریک پاکستان میں علما کرام کے کردار کو سراہتے ہوئے کہا کہ قیام پاکستان میں علما کی قربانیاں تاریخ کا روشن باب ہیں۔ انہوں نے کہا کہ آج بھی علما کرام قومی اتحاد، رواداری اور بھائی چارے کے فروغ میں کلیدی کردار ادا کر سکتے ہیں۔
وزیر اعظم نے ملکی معیشت پر بات کرتے ہوئے کہا کہ پاکستان کو دیوالیہ ہونے سے بچانے کے لیے سیاسی اور عسکری قیادت نے مل کر فیصلے کیے۔ ان کے مطابق ملک کی معیشت اب استحکام کی جانب گامزن ہے اور ترقی کی رفتار تیز ہو رہی ہے۔
شہباز شریف کا قومی علما کنونشن سے خطاب کہا کہ پاکستان نے مشکل حالات میں ایران اور قطر جیسے برادر ممالک کے ساتھ کھڑے ہو کر دنیا کو یہ پیغام دیا کہ پاکستان ایک ذمہ دار ریاست ہے جو امن، استحکام اور علاقائی تعاون پر یقین رکھتی ہے۔
تقریب میں نائب وزیر اعظم اور وزیر خارجہ اسحاق ڈار، چیف آف ڈیفنس فورسز و آرمی چیف فیلڈ مارشل سید عاصم منیر، وفاقی وزرا، اعلیٰ سرکاری حکام اور ملک بھر سے علما و مشائخ کی بڑی تعداد نے شرکت کی۔
آخر میں وزیر اعظم نے کہا کہ افواج پاکستان کے خلاف پروپیگنڈا دراصل پاکستان کے خلاف سازش ہے، اور پوری قوم کو مل کر ایسی ہر کوشش کو ناکام بنانا ہوگا۔ انہوں نے اس عزم کا اظہار کیا کہ حکومت ملک کے وقار، سلامتی اور استحکام کے لیے ہر ممکن قدم اٹھاتی رہے گی۔
"پوری دنیا ورطۂ حیرت میں ہے کہ جس طرح سے پاکستان نے بھارت کے خلاف فتح حاصل کی ہمارے دوست ممالک اس کو اپنی فتح سمجھتے ہیں اور پاکستان کی عزت کر رہے ہیں۔ یہ ہم سب کی ذمہ داری ہے کہ اس فوج کا دفاع کریں جس نے پاکستان کا دفاع کرنے کے لیے اپنے خون کی قربانی دی اور ازلی دشمن کو وہ شکست… pic.twitter.com/nzxUmKyfxn
— Government of Pakistan (@GovtofPakistan) December 10, 2025
