اسلام آباد، پشاور اور خیبرپختونخوا کے مختلف علاقوں میں 5.3 شدت کا زلزلہ، مرکز افغانستان کے ہندوکش ریجن میں واقع تھا

اسلام آباد، پشاور اور خیبرپختونخوا کے مختلف علاقوں میں 5.3 شدت کا زلزلہ،مرکز افغانستان کے ہندوکش ریجن میں واقع تھا، شہری خوفزدہ ہو کر گھروں سے باہر نکل آئے

اسلام آباد: وفاقی دارالحکومت اسلام آباد، پشاور اور خیبرپختونخوا کے مختلف اضلاع میں بدھ کی شب زلزلے کے شدید جھٹکے محسوس کیے گئے، جس کے باعث شہریوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے۔

زلزلہ پیما مرکز کے مطابق زلزلے کی شدت ریکٹر اسکیل پر 5.3 ریکارڈ کی گئی، جبکہ اس کی گہرائی 174 کلومیٹر تھی۔ حکام کے مطابق زلزلے کا مرکز افغانستان کے ہندوکش ریجن میں واقع تھا، جہاں اکثر درمیانی اور شدید نوعیت کے زلزلے ریکارڈ کیے جاتے ہیں۔

5.3 شدت کا زلزلہ کے جھٹکے اسلام آباد، پشاور، کرم، مردان، بونیر، سوات، شانگلہ، چارسدہ اور لوئر دیر سمیت خیبرپختونخوا کے متعدد علاقوں میں محسوس کیے گئے۔ اچانک زمین لرزنے سے شہریوں میں خوف کی فضا پیدا ہوگئی اور لوگ احتیاطاً کھلی جگہوں پر جمع ہوگئے۔

ابتدائی اطلاعات کے مطابق 5.3 شدت کا زلزلہ کے نتیجے میں کسی جانی یا مالی نقصان کی اطلاع موصول نہیں ہوئی۔ تاہم متعلقہ ادارے صورتحال پر مسلسل نظر رکھے ہوئے ہیں اور کسی بھی ہنگامی صورتحال سے نمٹنے کے لیے تیار ہیں۔

ریسکیو حکام نے شہریوں سے اپیل کی ہے کہ وہ افواہوں پر کان نہ دھریں اور صرف مستند ذرائع سے معلومات حاصل کریں۔ کسی بھی ہنگامی صورتحال کی صورت میں فوری طور پر ریسکیو 1122 سے رابطہ کیا جائے۔

حکام کا کہنا ہے کہ خیبرپختونخوا کی امدادی ٹیمیں مکمل طور پر الرٹ ہیں اور ضرورت پڑنے پر فوری امدادی کارروائیاں عمل میں لائی جائیں گی۔

BREAKING: A magnitude 5.5 earthquake struck Jurm, Afghanistan, on Wednesday, reports the United States Geological Survey.

🔴 More on https://t.co/hGzrK2N8WC pic.twitter.com/20HbyUoFWT
— Al Jazeera Breaking News (@AJENews) July 1, 2026