گوگل کا یومِ آزادی پر پاکستان کو خوبصورت ڈوڈل کے ذریعے خراجِ تحسین

گوگل کا پاکستان کے 79ویں یوم آزادی پر خصوصی ڈوڈل پیش

گوگل یوم آزادی پاکستان کے موقع پر پاکستان کے 79ویں جشن آزادی کو خصوصی انداز میں اجاگر کرتے ہوئے گوگل نے اپنے ہوم پیج پر ایک خوبصورت ڈوڈل پیش کردیا۔

پاکستان میں گوگل کا ہوم پیج کھولنے والے صارفین کو 14 اگست 2026 کو معمول کے رنگین Google لوگو کے بجائے پاکستان کے قومی پرچم کے رنگوں سے مزین خصوصی ڈوڈل دکھائی دے رہا ہے۔ اس طرح پاکستان کے یوم آزادی کی خوشیوں کی جھلک ڈیجیٹل دنیا میں بھی نمایاں ہوگئی ہے۔

گوگل کی جانب سے قومی دنوں اور اہم مواقع پر خصوصی ڈوڈل پیش کرنے کی روایت کافی عرصے سے جاری ہے۔ کمپنی دنیا کے مختلف ممالک کے قومی دنوں، تاریخی واقعات، اہم شخصیات، سائنسی کامیابیوں اور ثقافتی مواقع کو Google Doodles کے ذریعے اجاگر کرتی ہے۔

عام دنوں میں گوگل کے ہوم پیج پر دکھائی دینے والا روایتی لوگو ایسے خصوصی مواقع پر ایک منفرد آرٹ ورک میں تبدیل ہوجاتا ہے۔ ان ڈوڈلز کا مقصد کسی اہم دن یا شخصیت کے بارے میں صارفین کی توجہ مبذول کرانا اور اسے تخلیقی انداز میں نمایاں کرنا ہوتا ہے۔

پاکستان کے لیے خصوصی ڈوڈل

رواں سال 14 اگست کے موقع پر پاکستان کے لیے پیش کیے جانے والے ڈوڈل میں قومی پرچم کے سبز اور سفید رنگوں کو نمایاں کیا گیا ہے۔ یہ رنگ پاکستان کی قومی شناخت کی نمائندگی کرتے ہیں اور یوم آزادی کے موقع پر خصوصی اہمیت رکھتے ہیں۔

پاکستان میں گوگل استعمال کرنے والے صارفین کو ہوم پیج پر یہ خصوصی ڈوڈل نظر آ رہا ہے، جس سے جشن آزادی کی مناسبت سے ڈیجیٹل پلیٹ فارم پر بھی قومی رنگ نمایاں ہوگئے ہیں۔

پاکستان کے 79ویں یوم آزادی کے موقع پر ملک بھر میں مختلف تقریبات، پرچم کشائی، آتشبازی اور دیگر پروگرام منعقد کیے جا رہے ہیں۔ بیرون ملک مقیم پاکستانی بھی مختلف ممالک میں یوم آزادی کی تقریبات کا انعقاد کر رہے ہیں۔

ایسے میں گوگل کی جانب سے خصوصی ڈوڈل کا اجرا بھی پاکستان کے قومی دن کو عالمی ڈیجیٹل پلیٹ فارم پر نمایاں کرنے کا ایک منفرد انداز ہے