پاکستانی سرزمین سے ایران کے خلاف امریکی بحریہ کی کارروائی کا دعویٰ بے بنیاد ہے، وزارت اطلاعات

پاکستانی سرزمین سے ایران کے خلاف امریکی بحریہ کی کارروائی کا دعویٰ بے بنیاد ہے، وزارت اطلاعات

اسلام آباد: وزارت اطلاعات و نشریات نے سوشل میڈیا پر گردش کرنے والے اس دعوے کو بے بنیاد اور من گھڑت پروپیگنڈا قرار دے کر مسترد کر دیا ہے کہ امریکی بحریہ پاکستانی اجازت سے پاکستان کی سرزمین استعمال کرتے ہوئے ایران کے خلاف کارروائیاں کر رہی ہے۔

وزارت اطلاعات و نشریات نے سماجی رابطے کی ویب سائٹ ایکس پر اپنے فیکٹ چیکر اکاؤنٹ کے ذریعے وضاحت جاری کرتے ہوئے کہا کہ شمالی امریکا سے تعلق رکھنے والے ایک اکاؤنٹ کی جانب سے کیا جانے والا یہ دعویٰ درست نہیں۔

وزارت کے مطابق اس طرح کے جھوٹے دعووں کو آگے پھیلانا کنفیوژن، غلط فہمیوں اور انتشار کو فروغ دینے کے وسیع تر ایجنڈے کا حصہ ہے۔ بیان میں کہا گیا کہ ایسی سوشل میڈیا پوسٹس کسی سنجیدہ مبصر کی توجہ کے لائق نہیں ہیں۔

وزارت اطلاعات نے زور دیا کہ اس نوعیت کی بے بنیاد خبروں کو پروپیگنڈا سمجھ کر ہی دیکھا جانا چاہیے اور انہیں تصدیق کے بغیر پھیلانے سے گریز کرنا چاہیے۔

یہ وضاحت ایسے وقت میں سامنے آئی ہے جب سوشل میڈیا پر علاقائی کشیدگی اور پاکستان کے کردار سے متعلق دعوے گردش کر رہے ہیں۔ وزارت کے بیان کے مطابق پاکستانی سرزمین سے ایران کے خلاف امریکی بحریہ کی کارروائی سے متعلق دعوے کی کوئی بنیاد نہیں۔

𝐅𝐚𝐜𝐭 𝐂𝐡𝐞𝐜𝐤 | 𝐌𝐢𝐧𝐢𝐬𝐭𝐫𝐲 𝐨𝐟 𝐈𝐧𝐟𝐨𝐫𝐦𝐚𝐭𝐢𝐨𝐧 & 𝐁𝐫𝐨𝐚𝐝𝐜𝐚𝐬𝐭𝐢𝐧𝐠

◼️ Fabricated propaganda by a North America based account and questingly proliferated further, that the US Navy is somehow operating from Pakistani territory against Iran, with alleged Pakistani approval, is baseless and part of wider agenda of sowing confusion, misperceptions and chaos.

◼️ Such social media posts actually deserve no attention by any serious minded observer and need to be categorised and treated as propaganda only. 

𝐓𝐫𝐮𝐭𝐡 𝐏𝐫𝐞𝐯𝐚𝐢𝐥𝐬 𝐨𝐯𝐞𝐫 𝐅𝐚𝐥𝐬𝐞𝐡𝐨𝐨𝐝
— Fact Checker MoIB (@FactCheckerMoIB) October 17, 2026