ایران کے وزیر خارجہ عباس عراقچی کی فیلڈ مارشل سے گفتگو، امریکی حملوں کی مذمت، سفارت کاری پر زور

ایران کے وزیر خارجہ عباس عراقچی کی فیلڈ مارشل سے گفتگو، امریکی حملوں کی مذمت، سفارت کاری پر زور، خطے میں امن و استحکام کے لیے مشترکہ کوششیں جاری رکھنے پر اتفاق

اسلام آباد / تہران: ایران کے وزیر خارجہ عباس عراقچی نے پاکستان کے فیلڈ مارشل سید عاصم منیر سے ٹیلی فون پر رابطہ کیا، جس میں حالیہ امریکی حملوں کی شدید مذمت کرتے ہوئے انہیں دونوں ممالک کے درمیان طے پانے والی 14 نکاتی مفاہمتی یادداشت کی خلاف ورزی قرار دیا۔

ایران کے سرکاری خبر رساں ادارے ایرنا کے مطابق عباس عراقچی کی فیلڈ مارشل سے گفتگو کے دوران ایرانی وزیر خارجہ نے کہا کہ ایران اپنی خودمختاری، علاقائی سالمیت اور قومی سلامتی کے تحفظ کے لیے مکمل طور پر پرعزم ہے، جبکہ ایرانی مسلح افواج کسی بھی بیرونی جارحیت کا بھرپور جواب دینے کی صلاحیت رکھتی ہیں۔

عباس عراقچی کی فیلڈ مارشل سے گفتگو کے دوران ایرانی وزیر خارجہ نے امریکی فوج کی کسی بھی ممکنہ مہم جوئی کے خلاف خبردار کرتے ہوئے کہا کہ خطے میں مزید کشیدگی نہ صرف علاقائی امن بلکہ عالمی استحکام کے لیے بھی خطرہ بن سکتی ہے۔

دریں اثنا ایرانی وزیر خارجہ نے ترکی اور عمان کے وزرائے خارجہ سے بھی الگ الگ ٹیلی فونک رابطے کیے، جن میں خطے کی موجودہ صورتحال، ایران اور امریکا کے درمیان بڑھتی ہوئی کشیدگی اور سفارتی حل پر تبادلہ خیال کیا گیا۔

عباس عراقچی کے مطابق ترکی اور عمان نے تمام تنازعات کے حل کے لیے سفارت کاری، مذاکرات اور کشیدگی میں کمی کی ضرورت پر زور دیا اور خطے میں امن و استحکام کے لیے مشترکہ کوششیں جاری رکھنے پر اتفاق کیا۔

🔴 Iran says its Foreign Minister Abbas Araghchi held a phone call with Pakistan’s army chief Asim Munir, during which they discussed the latest regional developments

🔴 Araghchi warned against any “adventurism” by the US military and “stressed the firm determination of Iran’s… pic.twitter.com/Tr6Dtg8EBk
— Al Arabiya English (@AlArabiya_Eng) July 9, 2026