آزاد کشمیر میں سیاسی ہلچل؛ پیپلز پارٹی نے آزاد کشمیر میں وزیراعظم کے خلاف عدم اعتماد جمع کرادی، فیصل ممتاز راٹھور امیدوار نامزد، پیپلز پارٹی آزاد جموں و کشمیر کے صدر چوہدری محمد یاسین کی میڈیا سے گفتگو
مظفرآباد (رئیس الاخبار) :— آزاد جموں و کشمیر میں حکومت تبدیلی کے اہم مرحلے کا آغاز ہو گیا ہے، پیپلز پارٹی نے وزیراعظم چوہدری انوار الحق کے خلاف باقاعدہ طور پر تحریک عدم اعتماد پیش کر دی ہے، جبکہ وزارتِ عظمیٰ کے لیے فیصل راٹھور کو اپنا امیدوار نامزد کر دیا گیا ہے۔ تحریک عدم اعتماد کامیاب ہونے کی صورت میں فیصل ممتاز راٹھور نئے وزیراعظم ہوں گے۔
پیپلز پارٹی آزاد جموں و کشمیر کے صدر چوہدری محمد یاسین نے سابق وزیراعظم راجا پرویز اشرف کے ہمراہ میڈیا سے گفتگو کرتے ہوئے بتایا کہ پارٹی چیئرمین کی ہدایت پر فیصل ممتاز راٹھور کو وزارتِ عظمیٰ کا امیدوار چُنا گیا ہے۔
ان کا کہنا تھا کہ:
“ہم آج ہی آزاد کشمیر میں وزیراعظم کے خلاف عدم اعتماد جمع کرنے جا رہے ہیں، اور انشا اللہ اگلے چند دنوں میں آزاد کشمیر میں پیپلز پارٹی کی حکومت قائم ہو جائے گی۔”
سابق اسپیکر قومی اسمبلی راجا پرویز اشرف نے فیصل راٹھور کو درست انتخاب قرار دیتے ہوئے کہا کہ وہ پڑھے لکھے، نوجوان اور تجربہ کار رہنما ہیں اور اس سے پہلے بھی قانون ساز اسمبلی کا حصہ رہ چکے ہیں۔
تحریک عدم اعتماد ایوان میں پیش
بعدازاں آزاد کشمیر قانون ساز اسمبلی کے اجلاس میں وزیراعظم چوہدری انوار الحق کے خلاف تحریک عدم اعتماد پیش کر دی گئی۔
پارلیمانی قواعد کے مطابق تحریک لانے والوں کے لیے ضروری ہوتا ہے کہ موجودہ وزیراعظم کی جگہ نیا متوقع امیدوار ساتھ ہی نامزد کریں، جس کے تحت پیپلز پارٹی نے فیصل ممتاز راٹھور کا نام تجویز کیا۔
وزارتِ عظمیٰ کے لیے زیرِ غور نام
سیاسی ذرائع کے مطابق وزارتِ عظمیٰ کے لیے جن ناموں پر غور کیا گیا، ان میں شامل تھے:
چوہدری لطیف اکبر
چوہدری یاسین
فیصل ممتاز راٹھور
سردار یعقوب
تاہم پارٹی نے مشاورت کے بعد فیصل ممتاز راٹھور کو بطور امیدوار حتمی طور پر نامزد کر دیا۔
ایوان میں فیصلہ
آزاد کشمیر میں وزیراعظم کے خلاف عدم اعتماد جمع ووٹنگ اگلے چند دنوں میں متوقع ہے، اور اگر یہ منظور ہو جاتی ہے تو آزاد جموں و کشمیر میں حکومت کی تبدیلی یقینی ہو جائے گی۔
آزادکشمیر کے وزیر اعظم چوہدری انوار الحق کے خلاف تحریک عدم اعتماد آگی ۔ پیپلزپارٹی آزادکشمیر کے جنرل سیکرٹری فیصل ممتاز راٹھور نئے وزیراعظم نامزد ! pic.twitter.com/CGqyhTkAeM
— Kamran Bukhari (@kamran21_ali) November 14, 2025
