کسٹمز انفورسمنٹ اسلام آباد نے خفیہ اطلاعات پر مبنی کارروائیوں کے دوران نان کسٹمز پیڈ لگژری گاڑیاں، ہیوی بائیکس اور الیکٹرانکس کا سامان ضبط کرلیا، جن کی مجموعی مالیت 41 کروڑ 22 لاکھ روپے بتائی گئی ہے۔ کارروائیاں اسلام آباد اور ملحقہ علاقوں میں اسمگلنگ کے خلاف جاری مہم کا حصہ تھیں۔
خیبر پختونخوا میں آٹے کا بحران شدت اختیار کر گیا ہے، فلور ملز ایسوسی ایشن نے خبردار کیا ہے کہ پنجاب کی جانب سے گندم کی ترسیل پر پابندی کے باعث رمضان میں آٹے کا تھیلا 4 ہزار روپے تک پہنچ سکتا ہے۔ صوبائی حکومت اور محکمہ خوراک کی خاموشی نے صورتحال کو مزید سنگین بنا دیا ہے۔
وفاقی وزیر خزانہ محمد اورنگزیب کا کہنا ہے کہ قرضوں پر سود سب سے بڑا خرچہ ہے، اصلاحات سے اربوں روپے کی بچت اور سرمایہ کاری میں اضافہ ہوا۔
نیپرا کی سالانہ کارکردگی رپورٹ 2024/25 میں پاکستان اٹامک انرجی کمیشن نے 149 بجلی گھروں میں پہلی پوزیشن حاصل کر لی۔ چشمہ اور کراچی کے نیو کلیئر پاور پلانٹس کی کارکردگی کو بہترین قرار دیتے ہوئے رپورٹ میں ان کے حفاظتی اقدامات اور انتظامی حکمتِ عملی کی تعریف کی گئی ہے۔
عالمی منڈی میں خام تیل کی قیمتوں میں نمایاں کمی کے بعد پاکستان میں بھی پیٹرولیم مصنوعات سستی ہونے کا امکان پیدا ہو گیا ہے۔ ذرائع کے مطابق 16 جنوری سے پیٹرول کی قیمت میں 4 روپے 59 پیسے فی لیٹر جبکہ ہائی اسپیڈ ڈیزل کی قیمت میں 2 روپے 70 پیسے فی لیٹر تک کمی متوقع ہے۔
عالمی اور مقامی مارکیٹ میں آج بھی سونے کی قیمتوں میں نمایاں اضافہ ریکارڈ کیا گیا ہے، عالمی مارکیٹ میں سونا 9 ڈالر مہنگا ہو کر 4595 ڈالر فی اونس تک پہنچ گیا جبکہ پاکستان میں فی تولہ سونے کی قیمت میں 900 روپے اضافہ ہوا ہے۔
وفاقی حکومت نے نیپرا کی جانب سے 2026 کے لیے فی یونٹ 62 پیسے کمی کی منظوری کے باوجود بجلی کے بنیادی ٹیرف میں کمی نہ کرنے کا فیصلہ کر لیا ہے۔ پاور ڈویژن کے مطابق سال 2026 کے لیے بجلی کا بنیادی ٹیرف برقرار رہے گا۔
سونے اور چاندی کی قیمتوں میں مسلسل اضافے کے بعد نیا ریکارڈ قائم ہو گیا۔ صرافہ بازار کے مطابق فی تولہ سونا 7 ہزار 700 روپے مہنگا ہو کر 4 لاکھ 80 ہزار 962 روپے تک پہنچ گیا، جبکہ عالمی مارکیٹ میں سونا 4509 ڈالر فی اونس ہو گیا۔
پاکستان اور انڈونیشیا کے درمیان پام آئل کی تجارت کو فروغ دینے کے لیے تاریخی معاہدے طے پا گئے ہیں۔ یہ پیش رفت دونوں ممالک کے 75 سالہ سفارتی تعلقات اور حالیہ صدارتی دورے کا نتیجہ ہے، جس کے تحت مشترکہ تجارتی کمیشن کا قیام اور ریفائننگ کے شعبے میں تعاون بڑھایا جائے گا۔
ملک بھر میں آٹے کی قیمتوں میں مسلسل اضافے نے مہنگائی کے ستائے عوام کی مشکلات میں بے پناہ اضافہ کر دیا ہے۔ وفاقی ادارہ شماریات کے مطابق ایک ہفتے کے دوران 20 کلو آٹے کے تھیلے کی قیمت میں مختلف شہروں میں 40 سے لے کر 590 روپے تک اضافہ ریکارڈ کیا گیا۔
