خیبر پختونخوا میں سیکیورٹی فورسز کے آپریشنز میں 13 بھارتی حمایت یافتہ خوارج ہلاک، ہلاک دہشت گرد متعدد حملوں، ٹارگٹ کلنگ اور سیکیورٹی فورسز پر حملوں میں ملوث تھے
اسلام آباد (رئیس الاخبار) :— خیبر پختونخوا کے مختلف علاقوں میں سیکیورٹی فورسز کے دو الگ الگ انٹیلی جنس بنیاد پر آپریشنز کے دوران بھارتی حمایت یافتہ فتنۃ الخوارج کے 13 دہشت گرد ہلاک ہوگئے۔ آئی ایس پی آر کے مطابق ہلاک دہشت گرد متعدد حملوں، ٹارگٹ کلنگ اور سیکیورٹی فورسز پر حملوں میں ملوث تھے۔
لکی مروت میں پہلا بڑا آپریشن — 10 خوارج ہلاک
آئی ایس پی آر کے مطابق 20 اور 21 نومبر کی درمیانی شب سیکیورٹی فورسز نے لکی مروت کے علاقے پہاڑ خیل میں خوارج کی موجودگی کی اطلاع پر مشترکہ آپریشن کیا۔
فورسز نے دہشت گردوں کے ٹھکانے کو مؤثر انداز میں نشانہ بنایا، جس کے دوران شدید فائرنگ کے تبادلے کے بعد 10 خوارج ہلاک ہوگئے۔
ترجمان کے مطابق یہ تمام دہشت گرد بھارتی سپانسرشپ کے تحت پاکستان میں بدامنی پھیلانے اور شہریوں کے خلاف حملوں میں ملوث تھے۔
ڈیرہ اسماعیل خان میں آپریشن — 3 مزید خوارج مارے گئے
ایک اور انٹیلی جنس بیسڈ آپریشن ڈیرہ اسماعیل خان میں کیا گیا، جہاں فائرنگ کے تبادلے میں 3 خوارج ہلاک ہوگئے۔
آئی ایس پی آر نے بتایا کہ ہلاک دہشت گردوں سے بھاری مقدار میں اسلحہ اور گولہ بارود بھی برآمد کیا گیا ہے، جو ملک دشمن کارروائیوں میں استعمال کیا جاتا تھا۔
دہشت گردی کے خلاف آپریشن ’عزمِ استحکام‘ پوری قوت سے جاری
ترجمان کے مطابق علاقے میں مزید بھارتی حمایت یافتہ خوارج کی تلاش اور خاتمے کے لیے خیبر پختونخوا میں سیکیورٹی فورسز کے آپریشنز سینیٹائزیشن جاری ہیں۔
آئی ایس پی آر کا کہنا ہے کہ پاکستان کی سیکیورٹی فورسز اور قانون نافذ کرنے والے ادارے قومی سلامتی کو لاحق غیر ملکی حمایت یافتہ خطرات کو جڑ سے ختم کرنے کے لیے فیڈرل ایپیکس کمیٹی کے منظور شدہ وژن ‘عزمِ استحکام’ کے تحت دہشت گردی مخالف مہم پوری قوت سے جاری رکھیں گے۔
Comments 1