مگ-29 لڑاکا طیارہ تباہ، یوکرینی پائلٹ محفوظ

یوکرین کا مگ-29 لڑاکا طیارہ حادثے کا شکار، پائلٹ نے ایجیکٹ کرلیا

مگ-29 لڑاکا طیارہ یوکرین کے اودیسا ریجن میں جنگی مشن کے دوران گر کر تباہ ہوگیا، تاہم پائلٹ بروقت ایجیکٹ کرنے میں کامیاب رہا۔ یوکرینی فضائیہ کے مطابق 10 اگست کی شام مگ-29 کا پائلٹ فضائی اہداف کو تباہ کرنے کے مشن پر تھا کہ میزائل داغنے کے دوران طیارے میں اچانک ہنگامی صورتحال پیدا ہوگئی، جس کے بعد اس میں آگ لگ گئی اور طیارہ پائلٹ کے کنٹرول سے باہر ہوگیا۔ پائلٹ نے بروقت ایجیکشن سسٹم استعمال کیا اور اسے ہسپتال منتقل کردیا گیا۔ حکام کے مطابق حادثے کی وجوہات جاننے کے لیے تحقیقات جاری ہیں۔ یہ دو ہفتوں سے بھی کم عرصے میں یوکرینی فضائیہ کے لڑاکا طیارے کے نقصان کا دوسرا واقعہ ہے، اس سے قبل 29 جولائی کو یوکرین کا ایک F-16 لڑاکا طیارہ بھی دورانِ پرواز ہنگامی صورتحال کے باعث ضائع ہوگیا تھا، جس کے پائلٹ نے بھی ایجیکٹ کرکے اپنی جان بچائی تھی۔