گیس کی قیمتوں میں کمی کے بجائے اوگرا کا 7.14 فیصد تک اضافہ منظور

گیس کی قیمتوں میں کمی کے بجائے اوگرا کا 7.14 فیصد تک اضافہ منظور، گیس کی قیمت میں 118 روپے 47 پیسے فی ایم ایم بی ٹی یو اضافہ منظور

اسلام آباد (رئیس الاخبار) :— آئل اینڈ گیس ریگولیٹری اتھارٹی (اوگرا) کی جانب سے گیس قیمتوں میں کمی کے سرکاری دعوے کی حقیقت سامنے آگئی، جس کے مطابق مجموعی طور پر ملک میں گیس کی قیمتوں میں کمی نہیں بلکہ اضافہ کیا گیا ہے۔

سرکاری اعلامیے کے مطابق رواں مالی سال کے لیے گیس کی قیمتوں میں اوگرا کا 7.14 فیصد تک اضافہ منظور کیا۔ گیس کمپنیوں کی جانب سے جمع کرائی گئی ریونیو ضروریات کے تحت اوگرا نے قیمتوں میں مختلف تناسب سے اضافے کی اجازت دی ہے۔

سوئی سدرن کے لیے اوگرا کا 7.14 فیصد تک اضافہ

اوگرا نے سوئی سدرن کے لیے گیس کی قیمت میں 118 روپے 47 پیسے فی ایم ایم بی ٹی یو اضافہ منظور کیا، جس کے بعد نئی قیمت 1777 روپے 02 پیسے فی ایم ایم بی ٹی یو مقرر ہوگئی۔
یہ اضافہ کل قیمت کا 7.14 فیصد بنتا ہے۔

سوئی ناردرن کے لیے 4.89 فیصد اضافہ

سوئی ناردرن کے لیے قیمت میں 86 روپے 30 پیسے فی ایم ایم بی ٹی یو اضافہ منظور کیا گیا، جس کے بعد نئی قیمت 1852 روپے 80 پیسے فی ایم ایم بی ٹی یو ہو گئی۔
یہ اضافہ 4.89 فیصد بنتا ہے۔

اوگرا نے دونوں گیس کمپنیوں کے لیے 60 ارب 88 کروڑ روپے کے شارٹ فال کی ایڈجسٹمنٹ بھی منظور کر لی۔

اوگرا کے دعوے اور اصل صورتحال میں تضاد

واضح رہے کہ گزشتہ روز اوگرا نے اپنے اعلامیے میں دعویٰ کیا تھا کہ سوئی سدرن کے لیے گیس کی قیمتوں میں اوسطاً 8 فیصد اور سوئی ناردرن کے لیے اوسطاً 3 فیصد کمی کی منظوری دی گئی ہے۔

اعلامیے کے مطابق طے شدہ نرخ یہ تھے:

ایس این جی پی ایل: 1804.08 روپے فی ایم ایم بی ٹی یو

ایس ایس جی سی: 1549.41 روپے فی ایم ایم بی ٹی یو

تاہم اصل فیصلے میں دونوں کمپنیوں کے لیے قیمتوں میں کمی نہیں بلکہ اضافہ ریکارڈ کیا گیا، جس کے باعث اوگرا کے ابلاغ اور منظوری شدہ فیصلے میں واضح تضاد سامنے آگیا ہے۔

اوگرا کے مطابق سوئی سدرن نے گیس قیمت میں 22 فیصد جبکہ سوئی ناردرن نے 28.62 فیصد اضافہ مانگا تھا، جس کے مقابلے میں ریگولیٹر نے کم شرح سے قیمتیں بڑھانے کی اجازت دی۔

The OGRA Authority has observed that certain news channels have presented an incorrect impression regarding the determination of gas prices. No change in gas prices has been approved as per recent determination.

Since existing revenues at SNGPL and SSGCL network is meeting the… pic.twitter.com/Cnamzwhg9H
— Fact Checker MoIB (@FactCheckerMoIB) November 25, 2025
 

گیس کی قیمتوں میں اضافے

اوگرا کے سابقہ دعووں کے مطابق قیمتیں