ملک بھر میں شدید گرمی برقرار، اسلام آباد، بالائی خیبرپختونخوا، کشمیر اور گلگت بلتستان میں بارش و ژالہ باری کی پیشگوئی

ملک بھر میں شدید گرمی برقرار، اسلام آباد، خطہ پوٹھوہار، بالائی خیبرپختونخوا، کشمیر اور گلگت بلتستان میں بارش اور ژالہ باری کی پیشگوئی

اسلام آباد: محکمہ موسمیات نے ملک کے بیشتر علاقوں میں آج موسم گرم اور خشک رہنے کی پیشگوئی کرتے ہوئے بعض علاقوں میں گرج چمک کے ساتھ بارش کا امکان ظاہر کیا ہے۔

محکمہ موسمیات کے مطابق وفاقی دارالحکومت اسلام آباد میں شام اور رات کے اوقات میں بارش متوقع ہے جبکہ جنوبی اور وسطی علاقوں میں دن کے دوران شدید گرمی برقرار رہے گی۔

بیان میں کہا گیا ہے کہ خطہ پوٹھوہار، بالائی خیبرپختونخوا، کشمیر اور گلگت بلتستان میں گرج چمک کے ساتھ بارش کا امکان ہے۔ بعض مقامات پر ژالہ باری بھی ہو سکتی ہے بارش و ژالہ باری کی پیشگوئی کے باعث شہریوں کو احتیاط برتنے کی ہدایت کی گئی ہے۔

محکمہ موسمیات کے مطابق سندھ کے بیشتر اضلاع شدید گرمی کی لپیٹ میں رہیں گے جبکہ دادو میں سب سے زیادہ درجہ حرارت 48 ڈگری سینٹی گریڈ ریکارڈ کیا گیا۔

بلوچستان کے بیشتر اضلاع میں بھی موسم گرم رہنے کا امکان ظاہر کیا گیا ہے تاہم چند مقامات پر شام کے وقت بارش ہونے کی توقع ہے۔

محکمہ موسمیات نے خبردار کیا ہے کہ 23 مئی تک مختلف علاقوں میں آندھی، گرج چمک اور بارش کا سلسلہ جاری رہ سکتا ہے، اس لیے شہری غیر ضروری سفر سے گریز کریں اور موسمی صورتحال سے متعلق اپ ڈیٹس پر نظر رکھیں۔

ماہرین کے مطابق شدید گرمی اور اچانک بارش و ژالہ باری کی پیشگوئی موسمیاتی تبدیلیوں کا نتیجہ بھی ہو سکتا ہے، جس کے باعث ملک میں موسم کے غیر معمولی پیٹرن دیکھنے میں آ رہے ہیں۔

PMD Weather Forecast: Hot and Dry Conditions to Persist in southern and central parts during daytime. 
Rain-Wind/Thunderstorm Likely in Northern Regions.
Isolated hailstorm may also occur during this period.#PakistanWeather #PMD #Heatwave #HotWeather #RainThunderstorm pic.twitter.com/wshvmQcAR3
— Pak Met Department محکمہ موسمیات (@pmdgov) May 20, 2026