وزیراعظم سے مراد علی شاہ کی ملاقات، سیاسی رواداری پر اتفاق

وزیراعظم سے مراد علی شاہ کی ملاقات، سندھ کے امور اور سیاسی معاملات پر گفتگو

وزیراعظم سے مراد علی شاہ کی ملاقات ہوئی جس میں سندھ کے صوبائی امور، جاری ترقیاتی منصوبوں اور باہمی دلچسپی کے معاملات پر تفصیلی گفتگو کی گئی۔

ملاقات کے دوران ملک کی سیاسی صورتحال اور باہمی دلچسپی کے دیگر امور بھی زیر بحث آئے۔ وزیراعظم شہباز شریف اور وزیراعلیٰ سندھ مراد علی شاہ نے سیاسی معاملات میں مشاورت اور باہمی رابطے کو برقرار رکھنے کی اہمیت پر اتفاق کیا۔

دونوں رہنماؤں نے سیاسی رواداری کے فروغ اور اہم قومی و صوبائی معاملات پر مشاورت جاری رکھنے پر بھی اتفاق کیا۔ ملاقات میں وفاق اور سندھ کے درمیان تعاون کو مزید مؤثر بنانے سے متعلق امور بھی زیر غور آئے۔

ملاقات میں وزیراعظم کے مشیر رانا ثناء اللہ، وفاقی وزراء محمد اورنگزیب، اعظم نذیر تارڑ، احد خان چیمہ، شزا فاطمہ خواجہ اور علی پرویز ملک بھی شریک تھے۔

شرکاء نے سندھ میں جاری ترقیاتی منصوبوں اور صوبے سے متعلق مختلف امور کا جائزہ لیا۔ ملاقات میں وفاقی اور صوبائی سطح پر رابطے اور تعاون کو مزید بہتر بنانے کی ضرورت پر بھی زور دیا گیا۔