دوحہ قطر اور ترکیہ کی ثالثی میں پاکستان اور افغانستان جنگ بندی پر متفق
پاکستان اور افغانستان کے درمیان ایک ہفتے تک جاری رہنے والی خونریز جھڑپوں کے بعد قطر اور ترکیہ کی ثالثی میں فوری جنگ بندی طے پا گئی۔ یہ پیش رفت خطے میں امن و استحکام کے لیے ایک نئی امید بن کر سامنے آئی ہے، تاہم اصل چیلنج اعتماد کی بحالی اور دہشت گرد گروہوں پر قابو پانے کا ہے۔
پاک افغان سیز فائر طالبان حکومت کی درخواست پرکیا، طویل مدتی امن کیلئے گیند اب کابل کے کورٹ میں ہے، وزیراعظم
وزیراعظم شہباز شریف نے وفاقی کابینہ کے اجلاس کے بعد پریس کانفرنس میں افغانستان کو واضح پیغام دیا کہ پاکستان نے 48 گھنٹے کے لیے سیز فائر انسانی ہمدردی کے تحت کیا، مگر اب فیصلہ کابل کو کرنا ہے کہ وہ امن چاہتا ہے یا تصادم۔ انہوں نے کہا کہ افغان سرزمین سے دہشتگردی برداشت نہیں کی جائے گی، اور پاکستان اپنے دفاع کا ہر حق محفوظ رکھتا ہے۔ شہباز شریف نے غزہ امن معاہدے، فلسطینی ریاست، اور آئی ایم ایف پروگرام پر بھی اہم گفتگو کی۔
1.2 ارب ڈالر قسط کی راہ ہموار، پاکستان اور آئی ایم ایف معاہدہ اس ہفتے متوقع، وزیر خزانہ
وفاقی وزیر خزانہ محمد اورنگزیب نے کہا ہے کہ پاکستان اور آئی ایم ایف کے درمیان اسٹاف لیول معاہدہ رواں ہفتے طے پانے کی امید ہے، جس کے بعد 1.2 ارب ڈالر کی قسط کا اجراء ممکن ہوگا۔
انہوں نے بتایا کہ مذاکرات تعمیری ماحول میں ہوئے ہیں جبکہ پی آئی اے نجکاری، بجلی کمپنیوں کی فروخت اور گرین بانڈ اجراء پر بھی پیش رفت ہوئی ہے۔
ماہرین کے مطابق یہ معاہدہ پاکستانی معیشت کے لیے اعتماد بحالی کا اشارہ ثابت ہو سکتا ہے۔
زیرِ سمندر انٹرنیٹ کیبل کی مرمت، انٹرنیٹ سروسز 14 اکتوبر کو صبح 11 بجے سے تقریباً 18 گھنٹے تک متاثر رہنے کا امکان
پاکستان ٹیلی کمیونی کیشن کمپنی (پی ٹی سی ایل) نے اعلان کیا ہے کہ زیرِ سمندر انٹرنیٹ کیبل کی مرمت کے باعث ملک بھر میں انٹرنیٹ سروسز متاثر ہونے کا امکان ہے۔ مرمت کا کام 14 اکتوبر کو شروع ہوگا اور تقریباً 18 گھنٹے جاری رہے گا۔ پی ٹی سی ایل نے صارفین کو یقین دہانی کرائی ہے کہ متبادل راستے فعال کیے جا رہے ہیں تاکہ سروس کا تسلسل برقرار رہے۔
ٹرمپ کا غزہ امن سربراہی اجلاس سے خطاب، معاہدے پر شہباز شریف اور فیلڈ مارشل کا شکریہ،شہبازشریف کو خطاب کی دعوت
شرم الشیخ میں منعقدہ تاریخی غزہ امن معاہدے میں امریکی صدر ڈونلڈ ٹرمپ، السیسی، اردوان، امیر قطر اور وزیراعظم شہباز شریف نے شرکت کی۔
اس معاہدے سے برسوں کی جنگ کے بعد مشرقِ وسطیٰ میں امن، ترقی اور استحکام کے نئے دور کا آغاز ہوا۔ ٹرمپ نے اعلان کیا کہ “ہم نے جنگ نہیں، امن جیتا ہے۔”
وزیراعظم شہباز شریف نے کہا کہ “صدر ٹرمپ نوبیل امن انعام کے حقیقی مستحق ہیں۔”
اب ٹھوس فیصلے کرنے کا وقت آچکا ہے، وزیراعظم شہباز شریف کا دہشت گردی کے خلاف دوٹوک اعلان
وزیراعظم شہباز شریف نے وفاقی کابینہ اجلاس میں دوٹوک اعلان کیا کہ دہشت گردی کے خلاف اب فیصلہ کن وقت آچکا ہے۔ انہوں نے کہا کہ قوم کے شہداء نے اپنے خون سے وطن کی سرحدوں کو محفوظ کیا، اب مزید تاخیر کی گنجائش نہیں۔ ٹھوس اور عملی فیصلے کر کے دہشت گردی کا ہمیشہ کے لیے خاتمہ کیا جائے گا۔
شعیب ملک اور ثنا جاوید کی طلاق اور اختلافات کی خبریں، شعیب ملک کی وضاحت
پاکستانی آل راؤنڈر شعیب ملک نے ثنا جاوید سے علیحدگی اور اختلافات کی خبروں کو جھوٹ قرار دے دیا۔ انہوں نے کہا کہ ’’یہ تمام خبریں فضول اور بے بنیاد ہیں، الحمدللہ ہماری ازدواجی زندگی بہترین گزر رہی ہے۔‘‘ شعیب ملک اور ثنا جاوید نے حال ہی میں امریکا میں اپنی تصاویر شیئر کر کے مداحوں کو مطمئن کیا۔ مداحوں نے سوشل میڈیا پر خوشی کا اظہار کرتے ہوئے جوڑے کے لیے نیک تمناؤں کا اظہار کیا۔
پاکستان ملائیشیا مل کر آئی ایم ایف کو خدا حافظ کہہ سکتے : شہباز شریف کا دورہ ملائیشیا کے دوران خطاب
وزیراعظم شہباز شریف نے کہا ہے کہ اگر پاکستان اور ملائیشیا مشترکہ معاشی منصوبوں پر کام کریں تو دونوں ممالک آئی ایم ایف پر انحصار ختم کر سکتے ہیں۔ کوالالمپور میں پاکستان–ملائیشیا بزنس اینڈ انویسٹمنٹ کانفرنس کے دوران انہوں نے مسلم ممالک کے درمیان معاشی اتحاد کی ضرورت پر زور دیا۔
پاکستان اب تاریخ کا تماشائی نہیں۔۔مرکزی کردار
یوں لگتا ہے کہ وقت نے ایک بار پھر تاریخ کے پرانے اوراق کو پلٹ کر ایک نیا باب لکھ دیا ہے۔ وہی پاکستان، جو کبھی سرد جنگ میں امریکا کا منظورِ نظر تھا، آج ایک نئے انداز میں عالمی بساط پر اُبھرتا دکھائی دیتا ہے۔ جنرل عاصم منیر کی قیادت میں پاکستان صرف عسکری ہی نہیں بلکہ سیاسی و سفارتی محاذ پر بھی مرکزی کردار بن رہا ہے۔ سعودی عرب، ترکیہ، ایران، چین اور روس کے ساتھ بڑھتے تعلقات اور گریٹر اسرائیل کے منصوبے کے مقابل ایک نیا اتحاد دنیا کے توازن کو بدلنے کے قریب ہے۔ یہی وہ وقت ہے جب پاکستان تاریخ کا تماشائی نہیں بلکہ اس کا اصل کردار بن چکا ہے۔
پاکستان اسرائیل مخالف اتحاد کیلئے بطور ایٹمی طاقت مسلم امہ کے ساتھ کھڑاہے،اسحاق ڈار کا الجزیرہ انٹرویو
نائب وزیراعظم و وزیرِ خارجہ اسحاق ڈار نے کہا ہے کہ پاکستان مسلم امّت کے ساتھ کھڑا ہے اور بطور ایٹمی طاقت کسی بھی جارحیت کا مؤثر جواب دینے کی صلاحیت رکھتا ہے۔ انہوں نے زور دیا کہ جوہری ہتھیار صرف دفاع اور ڈیٹرنس کے لیے ہیں، جارحیت کے لیے نہیں، جبکہ علاقائی امن کے قیام کے لیے سفارت کاری، مذاکرات اور مشترکہ اقدامات ناگزیر ہیں۔