وزیراعلیٰ خیبرپختونخوا کا بانی پی ٹی آئی سے ملاقات کیلئے اڈیالہ جیل پہنچنے پر پولیس سے ٹکراؤ، فیکٹری ناکہ پر دھرنا،
اسلام آباد(رئیس الاخبار) :— بانی پی ٹی آئی سے ملاقات کے لیے وزیراعلیٰ خیبرپختونخوا سہیل آفریدی اڈیالہ جیل پہنچے، تاہم پنجاب پولیس نے انہیں فیکٹری ناکے پر روک دیا، جس کے بعد وزیراعلیٰ نے وہیں دھرنا دے دیا۔ وزیراعلیٰ کے ہمراہ ایم این اے شاہد خٹک، صوبائی اسمبلی کے رکن مینا خان آفریدی اور دیگر رہنما بھی موجود ہیں۔
تفصیلات کے مطابق وزیراعلیٰ خیبرپختونخوا بانی پی ٹی آئی کی صحت سے متعلق گردش کرتی خبروں پر تشویش کے باعث اڈیالہ جیل کی جانب روانہ ہوئے تھے۔ جب وزیراعلیٰ خیبرپختونخوا کا بانی پی ٹی آئی سے ملاقات کیلئے اڈیالہ جیل کے قریب پہنچے تو پنجاب پولیس نے انہیں آگے بڑھنے کی اجازت نہ دی، جس پر سہیل آفریدی نے جیل کی جانب مارچ کیا لیکن سیکیورٹی اہلکاروں نے انہیں فیکٹری ناکے پر روک کر واپس جانے کا کہا۔ وزیراعلیٰ نے فوری طور پر موقع پر دھرنا دے دیا۔
اڈیالہ روڈ سمیت اطراف کے تمام مقامات پر سخت سیکیورٹی انتظامات کیے گئے ہیں۔ پولیس کی اضافی نفری گورکھپور اور دہگل ناکے پر بھی تعینات ہے۔
سہیل آفریدی کی میڈیا سے گفتگو
میڈیا سے بات کرتے ہوئے وزیراعلیٰ خیبرپختونخوا نے کہا کہ بانی پی ٹی آئی کی طبیعت ناسازی سے متعلق خبریں مسلسل گردش کر رہی ہیں، جن سے ان کے خدشات بڑھ رہے ہیں۔
انہوں نے کہا:
"ہم چاہتے ہیں آج ملاقات ہو تاکہ یہ تشویش ختم ہو۔ اگر خدشات بڑھتے گئے تو پوری قوم سڑکوں پر آئے گی۔”
"ہم قانونی و جمہوری راستے اپناتے ہوئے یہاں آئے ہیں۔”
"بانی کی بہنوں نے منع کیا تھا کہ دھرنے تک نہ جاؤں، لیکن صورتحال سنگین ہوتی جا رہی ہے۔”
وزیراعلیٰ خیبرپختونخوا کا بانی پی ٹی آئی سے ملاقات نہ ہونے پر شکوک و شبہات بڑھ رہے ہیں اور اس حوالے سے وہ ہر ممکن آئینی راستہ اختیار کریں گے۔
الزام، تحفظات اور سیاسی ردعمل
وزیراعلیٰ نے دعویٰ کیا کہ 8 فروری اور 23 نومبر کے انتخابات میں عوام کا جمہوریت پر اعتماد متزلزل ہوا ہے اور حالیہ ضمنی انتخابات میں 95 فیصد ووٹر گھروں میں رہے، جو ان کے مطابق بانی پی ٹی آئی کے ساتھ یکجہتی کا اظہار ہے۔
انہوں نے مزید کہا کہ موجودہ حکومت آئی ایم ایف کی چارج شیٹ پر کھڑی ہے اور اس پر 5300 ارب روپے استعمال کرنے کا الزام ہے۔ ان کا کہنا تھا:
"سوال ان سے بھی ہوگا جنہوں نے عوامی مینڈیٹ پر ڈاکہ ڈالا۔”
وزیراعلیٰ کے مطابق ایف ایف سی اجلاس حکومت کی جانب سے چار مرتبہ ملتوی کیا جا چکا ہے، جبکہ وہ این ایف سی میں صوبے کا مقدمہ بھرپور انداز میں لڑیں گے۔
وزیراعلی سہیل آفریدی سڑک پر دھرنا دیئے بیٹھے ہیں!!
پولیس والے کو بتا رہا ہے،!!
پورے پاکستان میں غم وغصہ ہے!!
🛑یقین کرے, یہ پختون قوم کی تذلیل کر رہے ہیں!!pic.twitter.com/2SzcJhAMkV
— ZEShan ⚫ (@zeshmohmand) November 27, 2025
