حکومت کا پیٹرول اور ڈیزل سستا کرنے کا اعلان، پیٹرول 6 روپے، ڈیزل 6 روپے 80 پیسے فی لیٹر سستا

حکومت کا پیٹرول اور ڈیزل سستا کرنے کا اعلان، پیٹرول 6 روپے، ڈیزل 6 روپے 80 پیسے فی لیٹر سستا، نئی قیمتوں کا اطلاق آج رات سے ہوگا

اسلام آباد: حکومت نے عوام کو بڑا ریلیف دیتے ہوئے پیٹرولیم مصنوعات کی قیمتوں میں کمی کا اعلان کر دیا ہے۔ وزارت پیٹرولیم کے مطابق پیٹرول اور ہائی اسپیڈ ڈیزل دونوں کی قیمتوں میں نمایاں کمی کی گئی ہے۔

وزارت پیٹرولیم کی جانب سے جاری اعلامیے کے مطابق پیٹرول کی قیمت میں 6 روپے فی لیٹر کمی کی گئی ہے جبکہ ہائی اسپیڈ ڈیزل 6 روپے 80 پیسے فی لیٹر سستا کر دیا گیا ہے۔

حکومت کے فیصلے کے بعد پیٹرول کی نئی قیمت 403 روپے 78 پیسے اور ڈیزل کی قیمت 402 روپے 78 پیسے ہوگی۔

اعلامیے میں بتایا گیا ہے کہ نئی قیمتوں کا تعین وزیراعظم شہباز شریف کی منظوری سے کیا گیا ہے اور ان کا اطلاق آج رات 12 بجے سے ہوگا۔

حکومتی ذرائع کے مطابق عالمی منڈی میں خام تیل کی قیمتوں میں کمی اور معاشی صورتحال کو مدنظر رکھتے ہوئے عوام کو ریلیف فراہم کرنے کیلئے پیٹرول اور ڈیزل سستا کرنے کا فیصلہ کیا گیا۔

معاشی ماہرین کا کہنا ہے کہ پیٹرولیم مصنوعات کی قیمتوں میں کمی سے نہ صرف ٹرانسپورٹ کے اخراجات کم ہوں گے بلکہ مہنگائی کے دباؤ میں بھی کچھ حد تک کمی آسکتی ہے۔

شہریوں نے حکومت کے پیٹرول اور ڈیزل سستا کرنے کے فیصلے کا خیر مقدم کرتے ہوئے امید ظاہر کی ہے کہ آنے والے دنوں میں مزید ریلیف اقدامات بھی سامنے آئیں گے۔

Government reduced fuel prices by Rupees 6 per litre.

Petrol new rate per litre: 402.78
Diesel new rate per litre: 403.78 pic.twitter.com/XxA4kYnLzd
— Maryam Nawaz Khan (@maryamnawazkhan) May 22, 2026