شہید آیت اللہ علی خامنہ ای کی نماز جنازہ میں شرکت، وزیراعظم شہباز شریف کے ایران جانے کا امکان
شہید آیت اللہ علی خامنہ ای کی نماز جنازہ میں شرکت کے لیے وزیراعظم شہباز شریف کے وفد کے ہمراہ ایران جانے کا امکان ظاہر کیا گیا ہے۔
سرکاری ذرائع کے مطابق وزیراعظم شہباز شریف تعزیتی تقریبات اور نماز جنازہ میں شرکت کے لیے ایران روانہ ہو سکتے ہیں۔ مجوزہ وفد میں نائب وزیراعظم و وزیر خارجہ اسحاق ڈار اور وفاقی وزیر داخلہ محسن نقوی بھی شامل ہوں گے۔
ذرائع کے مطابق دورے کا مقصد پاکستان کی جانب سے تعزیت اور یکجہتی کا اظہار کرنا ہے، تاہم سرکاری شیڈول یا دورے کی حتمی منظوری سے متعلق باضابطہ اعلان تاحال سامنے نہیں آیا۔
ایرانی میڈیا رپورٹس کے مطابق شہید آیت اللہ علی خامنہ ای کی الوداعی تقریبات 4 اور 5 جولائی کو منعقد ہوں گی۔ رپورٹس میں کہا گیا ہے کہ 6 جولائی کو تہران میں نماز جنازہ جبکہ 7 جولائی کو قم میں ایک اور نماز جنازہ ادا کی جائے گی۔
رپورٹس کے مطابق تدفین 9 جولائی کو مشہد میں روضہ امام رضا کے احاطے میں متوقع ہے۔
پاکستان اور ایران کے درمیان حالیہ سفارتی روابط کے تناظر میں اس ممکنہ دورے کو اہم قرار دیا جا رہا ہے، تاہم وزیراعظم کے دورۂ ایران کی حتمی تصدیق حکومت کی جانب سے باضابطہ اعلان کے بعد ہی ہوگی۔
READ MORE FAQS
- وزیراعظم شہباز شریف ایران کیوں جا سکتے ہیں؟
سرکاری ذرائع کے مطابق وہ شہید آیت اللہ علی خامنہ ای کی نماز جنازہ اور تعزیتی تقریبات میں شرکت کے لیے ایران جا سکتے ہیں۔
- وزیراعظم کے وفد میں کون شامل ہوگا؟
ذرائع کے مطابق نائب وزیراعظم و وزیر خارجہ اسحاق ڈار اور وزیر داخلہ محسن نقوی بھی وفد کا حصہ ہوں گے۔
- نماز جنازہ کب متوقع ہے؟
ایرانی میڈیا کے مطابق 6 جولائی کو تہران اور 7 جولائی کو قم میں نماز جنازہ ادا کیے جانے کی اطلاعات ہیں۔
- تدفین کہاں ہوگی؟
ایرانی میڈیا رپورٹس کے مطابق تدفین 9 جولائی کو مشہد میں روضہ امام رضا کے احاطے میں متوقع ہے۔
