سونے کی قیمت میں مسلسل دوسرے روز بڑا دھماکہ، فی تولہ مزید12 ہزار 200 روپے مہنگا

سونے کی قیمت میں مسلسل دوسرے روز بڑا دھماکہ، فی تولہ مزید 12 ہزار 200 روپے مہنگا

کراچی: پاکستان میں سونے کی قیمت میں مسلسل دوسرے روز بھی زبردست اضافہ ریکارڈ کیا گیا، جس کے بعد فی تولہ سونا نئی بلند ترین سطح پر پہنچ گیا۔

آل پاکستان جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت میں 12 ہزار 200 روپے کا بڑا اضافہ ہوا، جس کے بعد نئی قیمت 4 لاکھ 40 ہزار 936 روپے ہو گئی۔

اسی طرح 10 گرام سونے کی قیمت میں 10 ہزار 459 روپے کا اضافہ ریکارڈ کیا گیا، جس کے بعد نئی قیمت 3 لاکھ 78 ہزار 31 روپے مقرر کی گئی۔

ایسوسی ایشن کے مطابق عالمی بلین مارکیٹ میں بھی سونے کی قیمت میں نمایاں تیزی دیکھی گئی، جہاں فی اونس سونا 122 ڈالر مہنگا ہو کر 4 ہزار 185 ڈالر تک پہنچ گیا۔

واضح رہے کہ گزشتہ روز بھی فی تولہ سونے کی قیمت میں 9 ہزار 100 روپے کا اضافہ ریکارڈ کیا گیا تھا۔ صرف دو کاروباری دنوں میں سونا مجموعی طور پر 21 ہزار 300 روپے فی تولہ مہنگا ہو چکا ہے، جس نے سرمایہ کاروں اور خریداروں کی توجہ ایک بار پھر عالمی اور مقامی صرافہ بازار کی جانب مبذول کرا دی ہے۔

ماہرین کے مطابق عالمی معاشی غیر یقینی صورتحال، مرکزی بینکوں کی جانب سے سونے کی خریداری، ڈالر کی قدر میں اتار چڑھاؤ اور محفوظ سرمایہ کاری کی بڑھتی ہوئی طلب کے باعث سونے کی قیمتوں میں تیزی برقرار رہ سکتی ہے۔

Gold Spot
$4,173.750

2026-07-03
2hour_
19:32_(UTC+7)

Short-term speculative price target_2

*Gold Spot_ครับ
-กราฟราคาได้ขึ้นมาถึงเป้าหมาย161.8% >$4,191.465
-แนวโน้มพักตัวเพื่อขึ้นต่อได้ครับ_(70:30)
-เป้าหมายถัดไป > แนว200% >$4249.433_ pic.twitter.com/uJ9T3NcPzh
— GOLD HITS (@mone3618) July 3, 2026