فیلڈ مارشل کا نیشنل ڈیفنس یونیورسٹی میں خطاب: جنگیں سیاسی نعروں سے نہیں ایمان، اتحاد اور تنظیم سے جیتی جاتی

فیلڈ مارشل کا نیشنل ڈیفنس یونیورسٹی میں خطاب، جنگیں سیاسی نعروں سے نہیں بلکہ ایمان، اتحاد اور تنظیم سے جیتی جاتی ہیں

اسلام آباد: فیلڈ مارشل کا نیشنل ڈیفنس یونیورسٹی (این ڈی یو) اسلام آباد کا دورہ کیا، جہاں انہوں نے نیشنل سیکیورٹی اینڈ وار کورس کے گریجویٹنگ افسران سے خطاب کرتے ہوئے قومی سلامتی، جنگ کی بدلتی ہوئی نوعیت اور جدید عسکری تقاضوں پر تفصیلی اظہارِ خیال کیا۔

پاک فوج کے شعبۂ تعلقاتِ عامہ (آئی ایس پی آر) کے مطابق فیلڈ مارشل سید عاصم منیر نے اپنے خطاب میں کہا کہ موجودہ دور میں پیچیدہ تزویراتی چیلنجز سے مؤثر انداز میں نمٹنے کے لیے ذہنی و فکری پختگی، ادارہ جاتی پیشہ ورانہ مہارت اور مسلسل تربیت ناگزیر ہے۔

انہوں نے کہا کہ جنگیں سیاسی نعرے بازی سے نہیں جیتی جاتیں بلکہ ایمان، اتحاد اور تنظیم کے سنہری اصول ہی کامیابی کی ضمانت ہوتے ہیں۔

فیلڈ مارشل نے افواجِ پاکستان کی پیشہ ورانہ صلاحیتوں، بلند حوصلے اور آپریشنل تیاریوں پر مکمل اعتماد کا اظہار کرتے ہوئے گریجویٹ افسران کو ہدایت کی کہ وہ اپنی ذمہ داریاں دیانتداری، بے لوث خدمت اور اعلیٰ اخلاقی معیار کے ساتھ انجام دیں۔

فیلڈ مارشل کا نیشنل ڈیفنس یونیورسٹی سے خطاب انہوں نے کہا کہ نیشنل ڈیفنس یونیورسٹی جیسے اعلیٰ تعلیمی ادارے عسکری اور سول قیادت کی تربیت میں کلیدی کردار ادا کر رہے ہیں، جبکہ پاکستان کی قیادت ہائبرڈ، روایتی اور غیر روایتی خطرات سے نمٹنے کی مکمل صلاحیت رکھتی ہے۔

فیلڈ مارشل سید عاصم منیر نے کہا کہ افواجِ پاکستان جنگ کی بدلتی ہوئی نوعیت کے مطابق اپنی آپریشنل تیاریوں کو مسلسل بہتر بنا رہی ہیں اور دفاعی حکمتِ عملی کو بھی نئے تقاضوں سے ہم آہنگ کیا جا رہا ہے۔

فیلڈ مارشل کا نیشنل ڈیفنس یونیورسٹی سے خطاب انہوں نے کہا کہ دشمن کی انٹیلی جنس ایجنسیاں پاکستان کو غیر مستحکم کرنے کی کوششوں میں مصروف ہیں، تاہم ان کی سرپرستی میں کام کرنے والے تمام پراکسی نیٹ ورکس اور دہشت گرد عناصر کے عزائم ناکام بنائے جائیں گے۔

ان کا کہنا تھا کہ پاکستان کی داخلی سلامتی، قومی خودمختاری اور اقتصادی خوشحالی کو نقصان پہنچانے کی کسی بھی کوشش کو ہرگز کامیاب نہیں ہونے دیا جائے گا، جبکہ سرحد پار سے ہونے والی دہشت گردی کا ریاست پوری قوت سے مقابلہ کرے گی۔

فیلڈ مارشل کا نیشنل ڈیفنس یونیورسٹی سے خطاب میں انہوں نے اس عزم کا اعادہ کیا کہ قوم کی مکمل حمایت سے دہشت گردوں کی پناہ گاہوں، سہولت کاروں اور ان کے نیٹ ورکس کا خاتمہ یقینی بنایا جائے گا۔

آئی ایس پی آر کے مطابق نیشنل ڈیفنس یونیورسٹی پہنچنے پر صدر این ڈی یو نے فیلڈ مارشل سید عاصم منیر کا استقبال کیا۔

#ISPR
Rawalpindi, 8 July 2026

Field Marshal Syed Asim Munir, NI (M), HJ, Chief of Army Staff & Chief of Defence Forces of Pakistan visited National Defence University (NDU), Islamabad today where he addressed the graduating officers of the National Security and War Course… pic.twitter.com/lApEZfPdxf
— Pakistan Armed Forces News 🇵🇰 (@PakistanFauj) July 8, 2026