چیٹ جی پی ٹی سمیت اوپن اے آئی کی متعدد سروسز عالمی تعطل کا شکار، صارفین کو مشکلات کا سامنا

چیٹ جی پی ٹی سمیت اوپن اے آئی کی متعدد سروسز عالمی تعطل کا شکار، صارفین کو مشکلات کا سامنا، مختصر وقت میں شکایات کی تعداد 1,500 سے تجاوز کر گئی

سان فرانسسکو: مصنوعی ذہانت کی معروف کمپنی اوپن اے آئی (OpenAI) کی متعدد آن لائن سروسز ہفتے کے روز عالمی سطح پر تکنیکی خرابی کا شکار ہو گئیں، جس کے باعث دنیا بھر میں ہزاروں صارفین کو ChatGPT، DALL-E، Sora، Codex اور دیگر فیچرز تک رسائی میں مشکلات کا سامنا کرنا پڑا۔

آؤٹج ٹریکنگ ویب سائٹ Downdetector کے مطابق 25 جولائی کی دوپہر سے صارفین کی شکایات میں اچانک نمایاں اضافہ دیکھا گیا۔ مختصر وقت میں شکایات کی تعداد 1,500 سے تجاوز کر گئی، جس سے ظاہر ہوا کہ یہ مسئلہ کسی ایک ملک یا خطے تک محدود نہیں بلکہ عالمی نوعیت کا تھا۔

رپورٹس کے مطابق متاثرہ صارفین کو لاگ اِن کرنے، نئی چیٹ شروع کرنے، پرانی گفتگو کھولنے، ویب اور موبائل ایپ استعمال کرنے اور API سروسز تک رسائی میں مشکلات پیش آئیں۔

Downdetector کے اعداد و شمار کے مطابق تقریباً 80 فیصد شکایات براہِ راستچیٹ جی پی ٹی سے متعلق تھیں، جبکہ 8 فیصد صارفین نے موبائل ایپ میں خرابی اور 6 فیصد نے API سروسز میں مسائل کی نشاندہی کی۔

دوسری جانب اوپن اے آئی نے اپنی آفیشل اسٹیٹس اپ ڈیٹ میں عالمی تعطل کی تصدیق کرتے ہوئے کہا کہ کمپنی کو متعدد سروسز میں خرابی کا علم ہے اور انجینئرنگ ٹیم مسئلے کی تحقیقات کر رہی ہے۔

کمپنی کے مطابق اس تعطل سے چیٹ جی پی ٹی کے علاوہ DALL-E، Sora، Codex اور ویب براؤزر کے ذریعے رسائی حاصل کرنے والے صارفین بھی متاثر ہوئے، جبکہ خرابی کی اصل وجہ جاننے اور سروسز کو مکمل طور پر بحال کرنے کے لیے کام جاری ہے۔

ماہرین کے مطابق چیٹ جی پی ٹی دنیا کی مقبول ترین مصنوعی ذہانت پر مبنی سروسز میں شامل ہے، جسے روزانہ لاکھوں افراد تعلیم، تحقیق، کاروبار، پروگرامنگ، مواد نویسی اور دیگر پیشہ ورانہ مقاصد کے لیے استعمال کرتے ہیں۔ اسی وجہ سے معمولی تکنیکی خرابی بھی دنیا بھر کے صارفین کو متاثر کر سکتی ہے۔

اوپن اے آئی نے صارفین کو یقین دہانی کرائی ہے کہ تکنیکی ٹیم خرابی کو جلد از جلد دور کرنے کے لیے کام کر رہی ہے، جبکہ سروسز کی مکمل بحالی تک صارفین کو وقفے وقفے سے مشکلات کا سامنا رہ سکتا ہے۔

We recognize there are a lot of questions and speculative details circulating related to the Hugging Face incident. 

This is an unprecedented incident, and we think it marks an important moment for AI safety. 

We are still conducting a thorough review along with external…
— OpenAI (@OpenAI) July 25, 2026