ہنگو میں سیکیورٹی فورسز کا کامیاب آپریشن، 7 خوارج ہلاک، کیپٹن حمزہ شہید

ہنگو میں سیکیورٹی فورسز کا کامیاب آپریشن، 7 خوارج ہلاک، کیپٹن حمزہ شہید

ہنگو: خیبرپختونخوا کے ضلع ہنگو میں سیکیورٹی فورسز نے خوارج کے خلاف کامیاب کارروائی کرتے ہوئے 7 دہشت گردوں کو ہلاک کردیا، جبکہ شدید فائرنگ کے تبادلے میں پاک فوج کے 27 سالہ کیپٹن حمزہ شہید ہوگئے۔ سیکیورٹی فورسز نے ہلاک دہشت گردوں کے قبضے سے بھاری مقدار میں اسلحہ اور گولہ بارود بھی برآمد کرلیا۔

پاک فوج کے شعبہ تعلقات عامہ (آئی ایس پی آر) کے مطابق ہنگو میں خوارج کی موجودگی کی خفیہ اطلاع پر سیکیورٹی فورسز نے انٹیلی جنس بیسڈ آپریشن کیا۔ ہنگو میں سیکیورٹی فورسز کا کامیاب آپریشن کے دوران فورسز نے دہشت گردوں کے ٹھکانوں کو مؤثر انداز میں نشانہ بنایا۔

آئی ایس پی آر کے مطابق دہشت گردوں نے کارروائی کے دوران مسجد کا تقدس پامال کرتے ہوئے وہاں پناہ لینے کی کوشش کی، تاہم سیکیورٹی فورسز نے مؤثر کارروائی کرتے ہوئے 7 خوارج کو ہلاک کردیا۔

کیپٹن حمزہ بہادری سے لڑتے ہوئے شہید

ہنگو میں سیکیورٹی فورسز کا کامیاب آپریشن کے دوران دہشت گردوں کے ساتھ شدید فائرنگ کا تبادلہ ہوا، جس میں پاک فوج کے 27 سالہ کیپٹن حمزہ بہادری سے لڑتے ہوئے شہید ہوگئے۔

آئی ایس پی آر کے مطابق کیپٹن حمزہ کا تعلق نارووال سے تھا اور وہ اپنے دستے کی قیادت کرتے ہوئے خوارج کا تعاقب کر رہے تھے۔ انہوں نے انتہائی جرات اور بہادری کا مظاہرہ کرتے ہوئے ملک و قوم کے دفاع میں اپنی جان کا نذرانہ پیش کیا۔

سیکیورٹی ذرائع کے مطابق ہلاک کیے گئے دہشت گرد سیکیورٹی فورسز کے خلاف متعدد کارروائیوں کے علاوہ شہریوں کے قتل میں بھی ملوث تھے۔ علاقے میں مزید خوارج کی موجودگی کے امکان کے پیش نظر کلیئرنس آپریشن جاری ہے۔

بلوچستان میں بھی فتنہ الہندوستان کے خلاف کارروائی

دوسری جانب بلوچستان میں بھی سیکیورٹی فورسز کی جانب سے آپریشن رد الفتنہ تھری پوری قوت کے ساتھ جاری ہے۔ سیکیورٹی ذرائع کے مطابق کارروائی کے دوران فتنہ الہندوستان سے وابستہ مزید 3 دہشت گرد ہلاک کیے گئے۔

بلوچستان کے علاقوں کمبیلہ اور عاصم آباد میں سیکیورٹی فورسز نے سرچ اینڈ سینیٹائزیشن آپریشن کیا، جس کے دوران تقریباً 68 مربع کلومیٹر علاقے کو کلیئر کیا گیا۔

ذرائع کے مطابق کارروائی کے دوران ہونے والی جھڑپوں میں فتنہ الہندوستان کے 3 دہشت گرد مارے گئے، جبکہ 2 دہشت گردوں کی لاشیں بھی برآمد کرلی گئی ہیں۔ کارروائی میں 4 دہشت گرد زخمی ہوئے، جن میں مبینہ سرغنہ شوکت ماما بھی شامل ہے۔

سیکیورٹی ذرائع کے مطابق آپریشن کے دوران 12 مشتبہ افراد کو بھی حراست میں لیا گیا، جبکہ دہشت گردوں کی پناہ گاہوں کو ختم کرکے وہاں موجود فتنہ الہندوستان کے جھنڈے بھی ہٹا دیے گئے۔

وزیراعظم کی کیپٹن حمزہ کی شہادت پر تعزیت

وزیراعظم شہباز شریف نے ہنگو میں سیکیورٹی فورسز کا کامیاب آپریشن کے دوران کیپٹن حمزہ کی شہادت پر گہرے دکھ اور افسوس کا اظہار کیا ہے۔

وزیراعظم نے شہید کیپٹن حمزہ کی بہادری، جرات اور فرض شناسی کو خراج عقیدت پیش کرتے ہوئے کہا کہ قوم اپنے بہادر سپوتوں کی قربانیوں کو کبھی فراموش نہیں کرے گی۔

انہوں نے دعا کی کہ اللہ تعالیٰ شہید کے درجات بلند فرمائے اور ان کے اہل خانہ کو صبر جمیل عطا کرے۔

وزیراعظم شہباز شریف نے اس عزم کا اعادہ کیا کہ دہشت گردی کے مکمل خاتمے تک فتنہ الخوارج کے خلاف کارروائیاں جاری رہیں گی۔ ان کا کہنا تھا کہ ملک کے دفاع اور امن کے لیے بہادر افواج اور قانون نافذ کرنے والے اداروں کی قربانیاں رائیگاں نہیں جائیں گی۔

خیبرپختونخوا اور بلوچستان میں جاری کارروائیوں کے دوران سیکیورٹی فورسز کی جانب سے علاقوں کو کلیئر کرنے اور دہشت گرد نیٹ ورکس کے خلاف کارروائیوں کا سلسلہ جاری ہے۔

On 7 August 2026, Security Forces conducted an intelligence based operation in Hangu District, on reported presence of Khwarij belonging to Indian Proxy, Fitna Al Khwarij.

During the conduct of operation, own troops effectively engaged khwarij location. In desperation, Khwarij… pic.twitter.com/W4CBuAHAz1
— DG ISPR (@OfficialDGISPR) August 8, 2026