آزاد کشمیر الیکشن 2026 کا شیڈول تبدیل، میرپور، مظفرآباد اور پونچھ ڈویژن کیلئے نئی پولنگ تاریخیں جاری
آزاد کشمیر انتخابات 2026 کے پولنگ شیڈول میں اہم تبدیلی کرتے ہوئے الیکشن کمیشن نے مختلف ڈویژنز کے لیے نئی تاریخوں کا اعلان کر دیا ہے۔ چیف الیکشن کمشنر آزاد جموں و کشمیر جسٹس (ر) غلام مصطفیٰ مغل نے سینئر رکن الیکشن کمیشن خواجہ محمد احسن، رکن الیکشن کمیشن سید نظیر الحسن گیلانی اور سیکریٹری الیکشن کمیشن راجا محمد شکیل خان کے ہمراہ پریس کانفرنس میں نظرثانی شدہ شیڈول سے آگاہ کیا۔
چیف الیکشن کمشنر کے مطابق میرپور ڈویژن میں انتخابات پہلے سے طے شدہ شیڈول کے مطابق 27 جولائی کو ہی منعقد ہوں گے۔
انہوں نے بتایا کہ مظفرآباد ڈویژن میں پولنگ 2 اگست کو ہوگی، جبکہ پاکستان میں مقیم مہاجرین کی 12 نشستوں پر بھی اسی روز ووٹنگ کرائی جائے گی۔
مزید برآں، پونچھ ڈویژن میں پولنگ 10 اگست کو ہوگی۔
جسٹس (ر) غلام مصطفیٰ مغل نے کہا کہ انتخابی شیڈول میں تبدیلی تمام سیاسی جماعتوں سے مشاورت کے بعد کی گئی ہے تاکہ انتخابات منظم، شفاف اور پرامن انداز میں منعقد کیے جا سکیں۔
انہوں نے اس عزم کا اظہار کیا کہ الیکشن کمیشن آزاد، غیرجانبدار، منصفانہ اور شفاف انتخابات کے انعقاد کے لیے مکمل طور پر پرعزم ہے اور تمام انتظامات اسی مقصد کے تحت کیے جا رہے ہیں۔
چیف الیکشن کمشنر نے مزید اعلان کیا کہ عالمی مبصرین اور ملکی و غیرملکی صحافیوں کو انتخابات کی کوریج کی مکمل اجازت دی جائے گی تاکہ انتخابی عمل میں شفافیت اور اعتماد کو مزید فروغ مل سکے۔
الیکشن کمیشن کا کہنا ہے کہ نظرثانی شدہ شیڈول کے مطابق تمام انتخابی سرگرمیاں نئی تاریخوں کے مطابق جاری رہیں گی اور متعلقہ اداروں کو ضروری انتظامات مکمل کرنے کی ہدایات جاری کر دی گئی ہیں۔
READ MORE FAQS
آزاد کشمیر انتخابات 2026 میں پولنگ کب ہوگی؟
میرپور ڈویژن میں 27 جولائی، مظفرآباد ڈویژن اور مہاجرین کی 12 نشستوں پر 2 اگست جبکہ پونچھ ڈویژن میں 10 اگست کو پولنگ ہوگی۔
پولنگ شیڈول میں تبدیلی کا اعلان کس نے کیا؟
چیف الیکشن کمشنر آزاد جموں و کشمیر جسٹس (ر) غلام مصطفیٰ مغل نے پریس کانفرنس میں اس کا اعلان کیا۔
شیڈول میں تبدیلی کیوں کی گئی؟
الیکشن کمیشن کے مطابق تمام سیاسی جماعتوں سے مشاورت کے بعد انتخابی عمل کو بہتر انداز میں منعقد کرنے کے لیے شیڈول میں ترمیم کی گئی۔
کیا عالمی مبصرین کو انتخابات دیکھنے کی اجازت ہوگی؟
جی ہاں، چیف الیکشن کمشنر نے کہا ہے کہ عالمی مبصرین اور صحافیوں کو انتخابات کی کوریج کی مکمل اجازت ہوگی۔
