بلوچستان میں سیکیورٹی فورسز کی دو بڑی کارروائیاں، بھارتی حمایت یافتہ گروہ کے 8 دہشت گرد ہلاک، ضلع خاران اور مستونگ میں دو الگ الگ انٹیلی جنس بیسڈ آپریشنز کیے گئے
راولپنڈی: سیکیورٹی فورسز نے بلوچستان کے مختلف علاقوں میں انٹیلی جنس اطلاعات کی بنیاد پر کامیاب کارروائیاں کرتے ہوئے بھارتی حمایت یافتہ دہشت گرد تنظیم “فتنۃ الہندوستان” سے تعلق رکھنے والے 8 دہشت گرد ہلاک کر دیے، جبکہ اسلحہ، بارودی مواد اور دیگر سامان بھی قبضے میں لے لیا گیا۔
پاک فوج کے شعبہ تعلقات عامہ (آئی ایس پی آر) کے مطابق 25 اور 26 جون کو بلوچستان کے اضلاع خاران اور مستونگ میں دو الگ الگ انٹیلی جنس بیسڈ آپریشنز کیے گئے۔ ان کارروائیوں کا مقصد دہشت گردوں کی موجودگی کا خاتمہ اور علاقے میں امن و امان کو یقینی بنانا تھا۔
آئی ایس پی آر کے مطابق پہلی کارروائی 25 جون کو ضلع خاران میں کی گئی، جہاں خفیہ اطلاعات پر دہشت گردوں کی نقل و حرکت کا سراغ ملا۔ سیکیورٹی فورسز نے فوری کارروائی کرتے ہوئے دہشت گردوں کے ٹھکانے کو نشانہ بنایا، جس کے نتیجے میں بھارتی سرپرستی میں سرگرم تنظیم “فتنۃ الہندوستان” کے 3 دہشت گرد ہلاک جبکہ متعدد زخمی ہوگئے۔
دوسرا آپریشن 26 جون کو ضلع مستونگ میں کیا گیا، جہاں ایک ممکنہ خودکش بمبار کی موجودگی کی اطلاع پر کارروائی کی گئی۔ شدید فائرنگ کے تبادلے کے بعد خودکش حملہ آور سمیت مزید 5 دہشت گرد مارے گئے۔
ترجمان پاک فوج کے مطابق بلوچستان میں سیکیورٹی فورسز کی بڑی کارروائیوں کے دوران دہشت گردوں کے قبضے سے بڑی مقدار میں اسلحہ، گولہ بارود، دیسی ساختہ دھماکا خیز مواد (آئی ای ڈیز) اور استعمال میں آنے والی موٹرسائیکلیں بھی برآمد کی گئیں۔
آئی ایس پی آر نے بتایا کہ علاقے میں موجود دیگر دہشت گردوں کی تلاش اور خاتمے کے لیے کلیئرنس آپریشن جاری ہے تاکہ بلوچستان میں امن و استحکام کو یقینی بنایا جا سکے۔
بیان میں مزید کہا گیا کہ نیشنل ایکشن پلان کی وفاقی ایپکس کمیٹی سے منظور شدہ وژن “عزمِ استحکام” کے تحت پاکستان کی سیکیورٹی فورسز اور قانون نافذ کرنے والے ادارے بیرونی سرپرستی میں ہونے والی دہشت گردی کے مکمل خاتمے تک اپنی بلوچستان میں سیکیورٹی فورسز اپنی کارروائیاں پوری قوت کے ساتھ جاری رکھیں گے۔
🚨#ISPR
Rawalpindi, 27 June 2026;
On 25 & 26 June 2026, Security Forces conducted two high-tempo intelligence driven operations in Kharan & Mastung districts of #Balochistan, Pakistan, as part of relentless counter terrorism campaign aimed at eliminating Indian Proxies, Fitna Al… pic.twitter.com/BppIGMIAkS
— Pakistan Armed Forces News 🇵🇰 (@PakistanFauj) June 27, 2026
READ MORE FAQS”
سوال 1: بلوچستان میں سیکیورٹی فورسز نے کارروائیاں کہاں کیں؟
جواب: یہ کارروائیاں بلوچستان کے اضلاع خاران اور مستونگ میں انٹیلی جنس اطلاعات کی بنیاد پر کی گئیں۔
سوال 2: کارروائیوں میں کتنے دہشت گرد مارے گئے؟
جواب: آئی ایس پی آر کے مطابق دونوں کارروائیوں میں مجموعی طور پر 8 دہشت گرد ہلاک کیے گئے۔
سوال 3: کیا کارروائی کے دوران اسلحہ بھی برآمد ہوا؟
جواب: جی ہاں، دہشت گردوں کے قبضے سے اسلحہ، گولہ بارود، دیسی ساختہ دھماکا خیز مواد (آئی ای ڈیز) اور موٹرسائیکلیں برآمد کی گئیں۔
سوال 4: کلیئرنس آپریشن کیا اب بھی جاری ہے؟
جواب: آئی ایس پی آر کے مطابق علاقے میں موجود ممکنہ دہشت گردوں کے خاتمے کے لیے کلیئرنس آپریشن بدستور جاری ہے۔
سوال 5: عزمِ استحکام کیا ہے؟
جواب: عزمِ استحکام نیشنل ایکشن پلان کے تحت منظور کردہ قومی حکمتِ عملی ہے جس کا مقصد دہشت گردی اور انتہاپسندی کا مکمل خاتمہ اور ملک میں پائیدار امن کا قیام ہے۔
