بیرسٹر گوہر کا حکومت پر شدید تنقید، کہا موجودہ سسٹم عوام کا اعتماد کھو چکا، ری سیٹ ناگزیر

بیرسٹر گوہر کا حکومت پر شدید تنقید، کہا موجودہ سسٹم عوام کا اعتماد کھو چکا، ری سیٹ ناگزیر

راولپنڈی: چیئرمین پاکستان تحریک انصاف (پی ٹی آئی) بیرسٹر گوہر نے کہا ہے کہ موجودہ حکومتی نظام عوام کا اعتماد کھو چکا ہے، اس لیے ملک میں "سسٹم ری سیٹ” ناگزیر ہو چکا ہے۔

اڈیالہ جیل راولپنڈی کے باہر میڈیا سے گفتگو کرتے ہوئے بیرسٹر گوہر نے کہا کہ حکومت کے ایک اہم اتحادی کی جانب سے وزیراعظم کو دھاندلی زدہ قرار دینا انتہائی اہم پیش رفت ہے۔ ان کا کہنا تھا کہ اگر حکومتی اتحادی خود وزیراعظم کی آئینی و اخلاقی حیثیت پر سوال اٹھا رہے ہیں تو وزیراعظم کو فوری طور پر قومی اسمبلی سے اعتماد کا ووٹ لینا چاہیے تھا۔

انہوں نے کہا کہ وزیراعظم کی خاموشی اس بات کا ثبوت ہے کہ وہ ایوان کا اعتماد کھو چکے ہیں، جبکہ موجودہ حکومتی ڈھانچہ عملی طور پر کمزور ہو چکا ہے۔ ان کے مطابق حکومت اپنا اخلاقی، آئینی اور جمہوری جواز بھی کھو بیٹھی ہے۔

بیرسٹر گوہر نے کہا کہ موجودہ سیاسی صورتحال میں نئی حکومتیں بنانے کے بجائے عوام سے دوبارہ رجوع کیا جانا چاہیے تاکہ عوامی مینڈیٹ کے ذریعے سیاسی بحران کا حل نکالا جا سکے۔

چیئرمین پی ٹی آئی کا کہنا تھا کہ آئین میں عدم اعتماد کی تحریک لانے کا واضح طریقہ کار موجود ہے اور اس حوالے سے اتحادی جماعتوں سے مشاورت کی جائے گی تاکہ قومی مفاد میں متفقہ سیاسی حکمت عملی اختیار کی جا سکے۔

انہوں نے مزید کہا کہ ملک میں نئے صوبوں سمیت عوامی مطالبات پر پارلیمان کو سنجیدگی سے غور کرنا ہوگا۔ ان کے بقول سسٹم کو ری سیٹ کرنے کی ضرورت پر دو رائے نہیں ہو سکتیں، تاہم اصل سوال یہ ہے کہ موجودہ نظام کو اس نہج تک پہنچانے کا ذمہ دار کون ہے۔

دوسری جانب وفاقی حکومت کی جانب سے اس مؤقف پر فوری ردعمل سامنے نہیں آیا، جبکہ حکومتی حلقے اس سے قبل موجودہ نظام کے تسلسل اور آئینی عمل کی حمایت کا اظہار کرتے رہے ہیں۔

پی ٹی آئی اور پیپلز پارٹی کے درمیان اتحاد کیوں نہیں ہو سکتا؟

آپ کہتے ہیں وزیر اعظم اعتماد کھو چکے ہیں اتحادی نے دھاندلی زدہ قرار دیا ہے کیا پی ٹی آئی اور پیپلز پارٹی ملکر عدم اعتماد لا سکتے ہیں کوئی بیک ڈور رابطے ہوئے ہیں،صحافی کا سوال

میں تو پیپلز پارٹی کو بھی دھاندلی زدہ… pic.twitter.com/cUnTJ2njQ9
— Faisal Hakeem (@FaisalHakeem39) August 4, 2026