سہ ملکی سیریز میں آج سری لنکا اور زمبابوے کے درمیان انتہائی اہم میچ کھیلا جائے گا، جہاں ناکامی کسی بھی ٹیم کو فائنل کی دوڑ سے باہر کر سکتی ہے۔ پاکستان پہلے ہی فائنل میں جگہ بنا چکا ہے، جبکہ دونوں ٹیموں کے لیے یہ مقابلہ عملی طور پر ناک آؤٹ بن چکا ہے۔
وفاقی آئینی عدالت نے پریکٹس اینڈ پروسیجر ترمیمی آرڈیننس کے خلاف دائر اپیل پر حکومت کو نوٹس جاری کر دیا ہے۔ جسٹس عامر فاروق کی سربراہی میں 5 رکنی لارجر بینچ نے سماعت کے دوران بینچ کی تشکیل اور اپیل کی نوعیت پر اہم سوالات اٹھائے۔ سماعت کے دوران وکیل سمیر کھوسہ نے مؤقف اختیار کیا کہ سپریم کورٹ کا 7 رکنی بینچ پہلے ہی اس معاملے پر ابتدائی فیصلہ دے چکا ہے، اس لیے موجودہ اپیل صرف لارجر بینچ ہی سن سکتا ہے۔
اسلام آباد کی عدالت نے بانی پی ٹی آئی گرفتاری کیس میں 9 مئی سمیت پانچ مقدمات میں گرفتاری سے روک دیا اور اگلی سماعت پر ویڈیو لنک کے ذریعے پیشی کی ہدایت جاری کرتے ہوئے ضمانت میں 23 دسمبر تک توسیع کر دی۔
ایمان بال کاٹنے والی لڑکی کا بیان سامنے آگیا۔ ملزمان گرفتار، مکمل تفصیلات اور تازہ ترین اپ ڈیٹس
اڈیالہ جیل کے سپرنٹنڈنٹ نے اسلام آباد ہائی کورٹ میں جواب جمع کراتے ہوئے کہا ہے کہ پاکستان تحریک انصاف کے بانی عمران خان کا ’ایکس‘ اکاؤنٹ جیل سے آپریٹ نہیں ہو رہا۔ سپرنٹنڈنٹ کے مطابق عمران خان جیل میں سخت نگرانی میں ہیں اور موبائل سمیت کسی بھی ممنوعہ چیز کی اجازت نہیں۔ جیل رولز کے مطابق صرف فیملی اور وکلا کے ساتھ ملاقاتیں ممکن ہیں، جبکہ سیاسی ہدایات سے معاشرتی تشدد کے خطرات کا بھی ذکر کیا گیا ہے۔
خیبر پختونخوا کے ضلع بنوں میں سیکیورٹی فورسز نے انٹیلی جنس بنیاد پر کامیاب آپریشن (آئی بی او) کرتے ہوئے بھارتی اسپانسرڈ فتنۃ الخوارج کے 22 دہشت گرد ہلاک کر دیے۔ آئی ایس پی آر کے مطابق یہ کارروائی اس اطلاع پر کی گئی کہ بھارتی پراکسی خوارج علاقے میں موجود ہیں۔ شدید فائرنگ کے تبادلے کے بعد سیکیورٹی فورسز نے ٹھکانے کو مؤثر انداز میں نشانہ بنایا۔
وزیر اعلیٰ پنجاب مریم نواز کا بیان ہے کہ مسلم لیگ ن نے بیانیے پر نہیں کارکردگی پر ضمنی الیکشن جیتا۔ انہوں نے تنقید کرتے ہوئے کہا کہ آج نہ فیض حمید ہے اور نہ وہ ججز جو پی ٹی آئی کو الیکشن جتواتے تھے، اسی لیے مقبولیت کے دعوے زمین بوس ہو گئے۔
پاکستان شوگر ملز ایسوسی ایشن نے چینی کی قیمتوں میں اضافے کا ذمہ دار ایف بی آر پورٹلز کی بندش، حکومتی نامزد ڈیلرز اور بین الصوبائی ترسیل پر پابندیوں کو قرار دیا ہے۔ ایسوسی ایشن کے مطابق حکومتی اقدامات سے سپلائی کم ہوئی اور قیمتیں بڑھ گئیں۔
پشاور میں فیڈرل کانسٹیبلری ہیڈکوارٹر پر ہونے والے دہشت گرد حملے کی وزیراعظم محمد شہباز شریف اور صدرِ مملکت آصف علی زرداری نے شدید مذمت کی ہے۔ وزیر اعظم نے زخمیوں کو فوری طبی امداد فراہم کرنے کی ہدایت کرتے ہوئے کہا کہ سیکیورٹی فورسز کی بروقت اور جرات مندانہ کارروائی نے بڑے سانحے سے بچا لیا۔ انہوں نے اس بات پر زور دیا کہ واقعے کے ذمہ دار عناصر کی جلد از جلد نشاندہی کر کے انہیں قانون کے کٹہرے میں لایا جائے۔ وزیراعظم نے واضح کیا کہ حکومت پاکستان دہشت گردی کے مکمل خاتمے کے لیے پرعزم ہے اور ایسے حملے پاکستان کی سالمیت کو نقصان پہنچانے کی ناکام کوشش ہیں۔
سعودی چیف آف جنرل اسٹاف جنرل فیاض الرویلی نے جی ایچ کیو میں جنرل عاصم منیر سے ملاقات کی، جس میں دفاعی تعاون، اسٹریٹیجک شراکت داری، انسداد دہشت گردی اور سیکیورٹی تعاون کے فروغ پر بات چیت ہوئی۔ وفد نے یادگارِ شہداء پر پھول بھی چڑھائے۔
