دہشتگردی کے خلاف کارروائیاں جاری رہیں گی، عوامی حمایت سے دیرپا امن قائم ہوگا: فیلڈ مارشل کی 20ویں نیشنل ورکشاپ سے خطاب

بلوچستان میں دہشتگردی کے خلاف کارروائیاں جاری رہیں گی، عوامی حمایت سے دیرپا امن قائم ہوگا: فیلڈ مارشل کی 20ویں نیشنل ورکشاپ سے خطاب

راولپنڈی: فیلڈ مارشل سید عاصم منیر نے کہا ہے کہ بلوچستان میں دیرپا امن کے قیام کے لیے سیکیورٹی فورسز اور قانون نافذ کرنے والے ادارے پوری قوت کے ساتھ سرگرم ہیں اور عوام کی مستقل حمایت سے دہشتگردی کے ناسور کا مکمل خاتمہ ممکن بنایا جائے گا۔

پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل سید عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کرتے ہوئے کہا کہ بلوچستان پاکستان کا فخر ہے، جو قدرتی وسائل سے مالا مال اور محب وطن عوام کا صوبہ ہے۔ انہوں نے کہا کہ صوبے کے عوام ہی بلوچستان کی سب سے بڑی طاقت ہیں۔

فیلڈ مارشل کی 20ویں نیشنل ورکشاپ سے خطاب میں دہشتگردی کے خلاف پاکستان کے غیر متزلزل عزم کا اعادہ کرتے ہوئے کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری شدت اور عزم کے ساتھ جاری رہیں گے۔ انہوں نے واضح کیا کہ پاکستان اور اس کے عوام کے لیے خطرہ بننے والے دہشتگردوں کے بنیادی ڈھانچے کو ہر صورت ختم کیا جائے گا۔

فیلڈ مارشل کی 20ویں نیشنل ورکشاپ سے خطاب کہا کہ غیر ملکی سرپرستی میں سرگرم پراکسی عناصر نے بلوچستان کے امن و استحکام کو نقصان پہنچانے اور تشدد کو فروغ دینے کی بارہا کوشش کی، تاہم افواجِ پاکستان اور قانون نافذ کرنے والے ادارے فیصلہ کن کارروائیوں کے ذریعے ان تمام مذموم عزائم کو ناکام بنا رہے ہیں اور آئندہ بھی بھرپور جواب دیتے رہیں گے۔

فیلڈ مارشل کی 20ویں نیشنل ورکشاپ سے خطاب میں بلوچستان میں وفاقی اور صوبائی حکومتوں کی جانب سے جاری ترقیاتی منصوبوں کا بھی ذکر کیا اور کہا کہ ان اقدامات کا مقصد صوبے کے عوام کی زندگیوں میں بہتری لانا، بنیادی سہولیات کی فراہمی کو یقینی بنانا اور بلوچستان کے سماجی و معاشی منظرنامے کو مثبت انداز میں تبدیل کرنا ہے۔

انہوں نے کہا کہ قومی اتحاد، استقامت اور اجتماعی عزم ہی پاکستان کے محفوظ اور روشن مستقبل کی ضمانت ہیں۔ انہوں نے اس بات پر زور دیا کہ ملکی ترقی، خودمختاری اور امن کے لیے تمام قومی اداروں اور عوام کو یکجہتی کا مظاہرہ کرنا ہوگا۔

آئی ایس پی آر کے مطابق ورکشاپ میں شریک شرکا نے بھی پاکستان کے استحکام، قومی سلامتی، ترقی اور خودمختاری کے لیے اپنے غیر متزلزل عزم کا اظہار کیا اور ملک میں امن و خوشحالی کے لیے مشترکہ کوششیں جاری رکھنے کے عزم کا اعادہ کیا۔

فیلڈ مارشل کی 20ویں نیشنل ورکشاپ سے خطاب کے اختتام پر کہا کہ پاکستان دہشتگردی کے مکمل خاتمے، بلوچستان میں پائیدار امن کے قیام اور قومی ترقی کے سفر کو ہر صورت آگے بڑھائے گا اور اس مقصد کے لیے ریاستی ادارے پوری ذمہ داری کے ساتھ اپنا کردار ادا کرتے رہیں گے۔

#ISPR
Rawalpindi, 23 July, 2026

Field Marshal Syed Asim Munir, NI (M), HJ, Chief of Army Staff and Chief (COAS) of Defence Forces (CDF) of Pakistan, interacted with participants of the 20th National Workshop Balochistan at General Headquarters, Rawalpindi. 

Addressing the… pic.twitter.com/qduiCF1F0i
— Pakistan Armed Forces News 🇵🇰 (@PakistanFauj) July 23, 2026