تمام رکاوٹوں کے باوجود کراچی جلسہ ہر صورت ہوگا، وزیر اعلیٰ خیبر پختونخوا سہیل آفریدی کا اعلان
وزیر اعلیٰ خیبر پختونخوا سہیل آفریدی نے کراچی میں جلسہ روکنے کی کوششوں کو مسترد کرتے ہوئے واضح کیا ہے کہ وہ ریلی کی صورت میں باغ جناح پہنچ رہے ہیں اور جلسہ ہر صورت ہو کر رہے گا۔ ویڈیو پیغام میں ان کا کہنا تھا کہ سندھ کے عوام نے محبت دی مگر سندھ حکومت نے اجرک اور ٹوپی کی لاج نہیں رکھی اور باغ جناح کے راستے بند کر دیے گئے۔
9 مئی ویڈیوز تصدیق، وزیراعلیٰ خیبر پختونخوا سمیت اہم شخصیات کی موجودگی ثابت
9 مئی ویڈیوز تصدیق کا مرحلہ مکمل ہوگیا، پنجاب فرانزک سائنس لیبارٹری کی رپورٹ میں وزیراعلیٰ خیبر پختونخوا سہیل آفریدی، کامران بنگش، تیمور جھگڑا اور عرفان سلیم کی ویڈیوز میں موجودگی کی تصدیق کردی گئی۔
امریکا کے حملے کی صورت میں اسرائیل اور امریکی اڈے نشانہ بنیں گے، ایران کی امریکا کو سخت وارننگ
ایران نے امریکا کو سخت وارننگ دیتے ہوئے کہا ہے کہ اگر اس پر کسی بھی قسم کا فوجی حملہ کیا گیا تو اسرائیل سمیت خطے میں موجود امریکا کے تمام فوجی اڈے اور بحری جہاز اس کے جائز اہداف ہوں گے۔ ایرانی پارلیمنٹ کے اسپیکر محمد باقر قالیباف کے مطابق ایران کسی بھی جارحیت کا بھرپور اور فیصلہ کن جواب دے گا۔ یہ بیان ایسے وقت میں سامنے آیا ہے جب ایران میں مہنگائی کے خلاف شروع ہونے والے مظاہرے حکومت مخالف تحریک میں تبدیل ہو چکے ہیں، جبکہ اسرائیل ممکنہ امریکی مداخلت کے پیش نظر ہائی الرٹ پر ہے۔ انسانی حقوق کی تنظیموں کے مطابق احتجاج کے دوران ہلاکتوں کی تعداد 116 تک پہنچ چکی ہے، جبکہ ملک بھر میں انٹرنیٹ بند ہونے سے صورتحال مزید سنگین ہو گئی ہے۔
نمائش چورنگی احتجاج میں پی ٹی آئی کارکنان گرفتار، پولیس شیلنگ جاری
نمائش چورنگی پر پاکستان تحریک انصاف کے کارکنان اور پولیس کے درمیان شدید کشیدگی دیکھنے میں آئی، پولیس نے مظاہرین کو منتشر کرنے کے لیے شیلنگ کی جبکہ 30 کارکنان کو حراست میں لے لیا گیا، پولیس موبائل پر پتھراؤ کی فوٹیج بھی سامنے آ گئی۔
شدید سردی کی لہر سے پاکستان متاثر، دھند کے باعث موٹرویز بند
ملک بھر میں شدید سردی کی لہر اور گھنی دھند کے باعث معمولات زندگی بری طرح متاثر ہو گئے ہیں۔ ہنزہ میں درجہ حرارت منفی 20 ڈگری تک گر گیا جبکہ پنجاب، خیبرپختونخوا اور سندھ میں دھند کے باعث متعدد موٹرویز بند کر دی گئیں۔
بلوچستان میں انسدادِ اسمگلنگ مہم تیز کرنے کا فیصلہ ایف بی آر قیادت کا کسٹمز ہاؤس کوئٹہ کا دورہ
ایف بی آر کی سینئر قیادت نے کسٹمز ہاؤس کوئٹہ کا دو روزہ دورہ کیا، جس میں انسدادِ اسمگلنگ کی حکمت عملی کو مزید سخت کرنے اور سیکیورٹی اداروں کے ساتھ مل کر بارڈر مینجمنٹ کو بہتر بنانے پر اتفاق کیا گیا۔ دورے کے دوران تجارتی مسائل کے حل اور محصولات کی وصولی میں بہتری کے لیے اہم اقدامات کی منظوری دی گئی۔
اسلام آباد میں شادی والے گھر میں سلنڈر دھماکا، دولہا دلہن سمیت 8 افراد جاں بحق
اسلام آباد کے سیکٹر جی سیون ٹو میں شادی کی تقریب کے دوران گیس سلنڈر دھماکے میں دولہا اور دلہن سمیت 8 افراد جاں بحق ہو گئے۔ دھماکے کے نتیجے میں متعدد افراد زخمی ہوئے جبکہ تین گھر مکمل طور پر تباہ ہو گئے۔ واقعے کے بعد ریسکیو اداروں نے فوری کارروائی کرتے ہوئے زخمیوں کو اسپتال منتقل کیا، جہاں ایمرجنسی نافذ کر دی گئی۔ انتظامیہ نے واقعے کی تحقیقات شروع کر دی ہیں۔
برائلر گوشت کی قیمت برقرار مگر اوور چارجنگ جاری، لاہور کے شہری متاثر
لاہور میں برائلر گوشت کی قیمت بظاہر برقرار ہے مگر سرکاری نرخ 595 روپے فی کلو کے باوجود اوور چارجنگ کا سلسلہ جاری ہے۔ شہر کے مختلف علاقوں میں دکاندار من مانے دام وصول کر رہے ہیں، جبکہ فارمی انڈوں کی قیمتوں نے بھی شہریوں کو پریشان کر دیا ہے۔
بیرسٹر گوہر بیان، سندھ حکومت بدمزگی نہ کرے، پی ٹی آئی جلسہ جمہوری حق ہے
بیرسٹر گوہر نے سندھ حکومت سے مطالبہ کیا ہے کہ وزیراعلیٰ خیبر پختونخوا کے دورہ سندھ کے آخری دن بدمزگی نہ پیدا کی جائے، پی ٹی آئی کا جلسہ قانون کے مطابق اور جمہوری انداز میں ہوگا۔
چمن آٹے کی قیمت میں خطرناک اضافہ، عوام کی مشکلات میں اضافہ
چمن میں آٹے کی قیمتوں میں اچانک اور بڑا اضافہ دیکھنے میں آیا ہے، جہاں ایک ہفتے کے دوران 100 کلو آٹے کی بوری 2500 روپے مہنگی ہو گئی۔ پنجاب سے آٹے کی ترسیل بند ہونے کے باعث قیمتیں آسمان سے باتیں کرنے لگیں، جس سے عوام شدید مشکلات کا شکار ہو گئے ہیں۔