ایران اور امریکا کے امن معاہدے کے مسودے پر اتفاق، وزیراعظم شہباز شریف کا بڑا اعلان

ایران اور امریکا کے امن معاہدے کے مسودے پر اتفاق، وزیراعظم شہباز شریف کا بڑا اعلان، بعض عناصر کی جانب سے امن عمل کو سبوتاژ کرنے کی منفی مہم چلائی گئی

اسلام آباد: وزیراعظم شہباز شریف نے اعلان کیا ہے کہ ایران اور امریکا کے درمیان مجوزہ امن معاہدے کے حتمی مسودے پر اتفاق ہو چکا ہے اور فریقین معاہدے کو حتمی شکل دینے کے لیے قریبی رابطے میں ہیں۔

سماجی رابطے کی ویب سائٹ “ایکس” پر جاری اپنے بیان میں وزیراعظم شہباز شریف نے امریکی صدر ڈونلڈ ٹرمپ، نائب صدر جے ڈی وینس، امریکی وزیر خارجہ مارکو روبیو، خصوصی نمائندہ اسٹیو وٹکوف اور ایرانی وزیر خارجہ عباس عراقچی کو ٹیگ کرتے ہوئے اس اہم سفارتی پیش رفت کی تصدیق کی۔

وزیراعظم نے کہا کہ پاکستان کی ثالثی کوششوں کے دوران بعض عناصر کی جانب سے امن عمل کو سبوتاژ کرنے کی منفی مہم چلائی گئی، تاہم تمام تر شور و غوغا کو نظر انداز کرتے ہوئے وہ اس بات کی تصدیق کر سکتے ہیں کہ ایران اور امریکا کے امن معاہدے کے حتمی مسودے پر اتفاق ہو چکا ہے۔

انہوں نے مزید کہا کہ پاکستان تمام متعلقہ فریقین کے ساتھ مل کر آئندہ مراحل کو حتمی شکل دینے کے لیے کام کر رہا ہے اور ان کے خیال میں خطے میں امن کے امکانات پہلے سے کہیں زیادہ روشن ہیں۔

“اسلام آباد ٹاکس” کی اہمیت

اطلاعات کے مطابق ایران اور امریکا کے درمیان معاہدے پر دستخط کی تقریب جنیوا میں منعقد کیے جانے کا امکان ہے، جبکہ پاکستان کی سفارتی کوششوں کے اعتراف میں اس امن عمل کو “اسلام آباد ٹاکس” کا نام دیا جا سکتا ہے۔

ذرائع کے مطابق دستخط کی تقریب میں امریکا اور ایران کے اعلیٰ حکام شریک ہوں گے جبکہ پاکستانی حکام کو بھی بطور معزز مہمان مدعو کیے جانے کا امکان ہے۔

خطے میں امن کیلئے پاکستان کا کردار

تجزیہ کاروں کے مطابق اگر ایران اور امریکا کے امن معاہدے طے پا جاتا ہے تو یہ نہ صرف مشرق وسطیٰ میں کشیدگی کم کرنے کی جانب ایک بڑی پیش رفت ہوگی بلکہ پاکستان کی سفارتی کامیابی کے طور پر بھی دیکھا جائے گا، جس نے دو متحارب فریقوں کو مذاکرات کی میز پر لانے میں اہم کردار ادا کیا۔

اگرچہ ایران اور امریکا کے امن معاہدے کی مکمل تفصیلات تاحال سامنے نہیں آئیں، تاہم وزیراعظم کے بیان نے عالمی سطح پر اس ممکنہ پیش رفت کو غیر معمولی اہمیت دے دی ہے۔

Amid ongoing intense mediation efforts by Pakistan, we are fully aware of incessant misinformation campaign being waged by those who want to sabotage the peace deal. Setting aside the noise, we can confirm that a final, agreed upon text of the peace deal has been reached and…
— Shehbaz Sharif (@CMShehbaz) June 12, 2026