پاسپورٹ، قومی شناختی کارڈ، اسلحہ لائسنس اور دیگر اہم سہولیات ایک ہی چھت تلے، ملک کا سب سے بڑا گرینڈ خدمت مرکز کا اعلان

پاسپورٹ، قومی شناختی کارڈ، اسلحہ لائسنس اور دیگر اہم سہولیات ایک ہی چھت تلے، ملک کا سب سے بڑا گرینڈ خدمت مرکز کا اعلان

کراچی، 29 ستمبر 2026: کراچی کے شہریوں کو پاسپورٹ، قومی شناختی کارڈ، اسلحہ لائسنس اور دیگر اہم سرکاری سہولیات ایک ہی چھت تلے فراہم کرنے کے لیے گرینڈ خدمت مرکز قائم کرنے کا اعلان کردیا گیا۔

تفصیلات کے مطابق وفاقی وزارت داخلہ کے زیر انتظام ملک کا سب سے بڑا گرینڈ خدمت مرکز کراچی میں قائم کیا جائے گا، جہاں وزارت داخلہ کے ماتحت مختلف اداروں کے خصوصی کاؤنٹرز موجود ہوں گے۔

یہ فیصلہ وفاقی وزیر داخلہ محسن نقوی کے آئی آئی چندریگر روڈ پر واقع وزارت داخلہ کے دفتر کے دورے کے موقع پر سامنے آیا۔

وزیر داخلہ محسن نقوی نے بتایا کہ جدید خدمت مرکز میں وزارت داخلہ کے تمام ذیلی اداروں کے خصوصی کاؤنٹرز قائم کیے جائیں گے، جس سے شہریوں کو مختلف سرکاری خدمات کے لیے الگ الگ دفاتر کے چکر لگانے کے بجائے ایک ہی مقام پر سہولیات دستیاب ہوں گی۔

گرینڈ خدمت مرکز میں پاسپورٹ، قومی شناختی کارڈ، نادرا ڈائریکٹ، اسلحہ لائسنس اور این او سیز سمیت اہم سرکاری خدمات فراہم کرنے کا منصوبہ ہے۔

10 دن میں ماسٹر پلان طلب

وفاقی وزیر داخلہ نے متعلقہ حکام سے 10 دن کے اندر گرینڈ خدمت مرکز کا تفصیلی ماسٹر پلان طلب کرلیا ہے۔

محسن نقوی نے ہدایت کی کہ ماسٹر پلان تیار کرتے وقت شہریوں کی ضروریات اور جدید تقاضوں کو مدنظر رکھا جائے تاکہ مرکز میں زیادہ سے زیادہ سرکاری سہولیات ایک ہی جگہ دستیاب ہوسکیں۔

انہوں نے خدمت مرکز کے جلد قیام کے لیے تمام متعلقہ انتظامی اور تکنیکی اقدامات فوری طور پر مکمل کرنے کی بھی ہدایت کی۔

وفاقی وزارت داخلہ کے زیر انتظام پاکستان کا سے بڑا خدمت مرکز کراچی میں بنے گا 

 وفاقی وزیر داخلہ محسن نقوی کا آئی آئی چندریگر روڈ پر وزارت داخلہ کے دفتر کا دورہ

گرینڈ خدمت مرکز میں 
وزارت داخلہ کے تمام اداروں کے کاونٹرز موجود ہوں گے ۔ محسن نقوی @MohsinnaqviC42@sharjeel_awan1 pic.twitter.com/GGkNtD7Uav
— لیگی فاٸٹر (SMT ATTOCK) (@Bakhtiarkhan74) September 29, 2026