بھارتی ریاست کیرالہ میں خوفناک لینڈ سلائیڈنگ، دل دہلا دینے والی ویڈیو وائرل

بھارتی ریاست کیرالہ میں خوفناک لینڈ سلائیڈنگ، ملبے میں بہنے والے افراد معجزانہ طور پر محفوظ، دل دہلا دینے والی ویڈیو وائرل

وایناڈ (بھارت): بھارتی ریاست کیرالہ کے ضلع وایناڈ میں شدید بارشوں کے باعث ہونے والی خوفناک لینڈ سلائیڈنگ نے ہر دیکھنے والے کو ہلا کر رکھ دیا۔ واقعے کی سی سی ٹی وی ویڈیو سوشل میڈیا پر تیزی سے وائرل ہو رہی ہے، جس میں دیکھا جا سکتا ہے کہ لوگ اپنی جانیں بچانے کے لیے بھاگ رہے ہیں جبکہ ان کے پیچھے مٹی، پتھروں اور گاڑیوں کا ایک بڑا ریلا تیزی سے بڑھ رہا ہے۔

ویڈیو میں سڑک پر کیچڑ اور ملبے کا سیلاب دکھائی دیتا ہے، جس نے وہاں کھڑی ایک ٹینکر لاری کو اپنی لپیٹ میں لے کر کئی میٹر دور تک گھسیٹ دیا۔ اس دوران قریب موجود متعدد افراد، جن میں ایک خاتون بھی شامل تھیں، جان بچانے کے لیے دوڑتے نظر آئے، تاہم ملبے کی شدت نے انہیں بھی اپنی زد میں لے لیا۔

خوش قسمتی سے ملبہ تھمنے کے بعد چند افراد گاڑیوں کے درمیان سے باہر نکل آئے۔ فوٹیج میں ایک مرد اور خاتون کو مکمل طور پر کیچڑ میں لتھڑا ہوا دیکھا جا سکتا ہے، جو معجزانہ طور پر محفوظ رہے۔ دیگر زخمی افراد بھی ملبے سے نکلتے ہوئے دکھائی دیے۔

عینی شاہدین کے مطابق کیرالہ میں خوفناک لینڈ سلائیڈنگ کے دوران لوگ ایک دوسرے کو مسلسل آوازیں دے رہے تھے کہ "جلدی بھاگو، اپنی جان بچاؤ!” جبکہ موقع پر شدید خوف و ہراس پھیل گیا۔

رپورٹس کے مطابق ایک نجی بس، جو تعمیراتی مزدوروں کو لے جانے کے لیے استعمال ہوتی تھی، کیرالہ میں خوفناک لینڈ سلائیڈنگ کے باعث قریبی دریا میں بہہ گئی۔ واقعے کے بعد زیر تعمیر پل کا ایک حصہ بھی دریا میں جزوی طور پر ڈوب گیا جبکہ پورا علاقہ کئی فٹ موٹی مٹی سے ڈھک گیا۔

حادثے کے فوراً بعد پولیس، نیشنل ڈیزاسٹر ریسپانس فورس (NDRF) اور دیگر امدادی اداروں نے ریسکیو آپریشن شروع کر دیا۔ امدادی ٹیمیں ملبے تلے ممکنہ طور پر پھنسے افراد کی تلاش میں مصروف ہیں۔

کیرالہ میں خوفناک لینڈ سلائیڈنگ کلاڈی کے قریب اس مقام پر پیش آئی جہاں اناکمپوئیل-میپاڈی ٹنل روڈ منصوبے کے تحت کھدائی سے نکالی گئی مٹی جمع کی گئی تھی۔ مسلسل بارشوں کے باعث مٹی کا بڑا حصہ اچانک سرک گیا، جس سے درخت اکھڑ گئے، حفاظتی رکاوٹیں ٹوٹ گئیں اور ملبہ سڑک اور پل پر پھیل گیا۔

دوسری جانب کیرالہ کے وزیر برائے تعمیرات عامہ پی کے بشیر نے کہا کہ کیرالہ میں خوفناک لینڈ سلائیڈنگ حادثے کی ذمہ داری محکمہ تعمیرات پر عائد نہیں کی جا سکتی کیونکہ منصوبہ کونکن ریلوے کارپوریشن کے تحت سابق حکومت کے دور میں شروع کیا گیا تھا۔ انہوں نے اس سانحے پر سیاست سے گریز کرنے کی اپیل بھی کی۔

بھارت: وائناڈ کے میپاڈی علاقے میں لینڈ سلائیڈنگ، سی سی ٹی وی میں منظر محفوظ، کوئی بڑا جانی نقصان رپورٹ نہیں..
.
.
.#Wayanad #Meppadi #Landslide #Kerala #India #BreakingNews #WorldNews #CCTV #NaturalDisaster #وائناڈ #لینڈسلائیڈنگ #RaeesUlAkhbar pic.twitter.com/AYcDjbkOXO
— Raees ul Akhbar (@raeesulakhbar1) July 7, 2026