وزیر داخلہ محسن نقوی کی میڈیا سے گفتگو: سوشل میڈیا پر 90 فیصد فیک نیوز، غلط معلومات پر کریک ڈاؤن کا اعلان

وفاقی وزیر داخلہ محسن نقوی کی میڈیا سے گفتگو: سوشل میڈیا پر 90 فیصد فیک نیوز، غلط معلومات پر کریک ڈاؤن کا اعلان ،اکثر دہشتگردی واقعات میں افغان شہری ملوث پائے گئے

اسلام آباد (رئیس الاخبار) :— وفاقی وزیر داخلہ محسن نقوی نے کہا ہے کہ سوشل میڈیا پر گردش کرنے والی تقریباً 90 فیصد خبریں جھوٹی اور من گھڑت ہوتی ہیں، اس لیے اب غلط معلومات پھیلانے والوں کے خلاف سخت کریک ڈاؤن کیا جائے گا۔ انہوں نے واضح کیا کہ آزادیٔ اظہار رائے کی حمایت اپنی جگہ، لیکن فیک نیوز کی اجازت قطعی طور پر نہیں دی جاسکتی۔

اسلام آباد میں وزیر داخلہ محسن نقوی کی میڈیا سے گفتگو کرتے ہوئے محسن نقوی کا کہنا تھا کہ قومی میڈیا اگر غلط خبر نشر کرتا ہے تو پیمرا اس پر کارروائی کرتا ہے، لیکن سوشل میڈیا پر بغیر کسی تصدیق کے تصاویر اور خبریں پھیلائی جاتی ہیں جو انتہائی نقصان دہ عمل ہے۔
انہوں نے کہا کہ "یہ نہیں ہوسکتا کہ سوشل میڈیا پر جو دل چاہے پوسٹ کردیا جائے، فیک نیوز پھیلانے والے کسی صورت صحافی کہلانے کے مستحق نہیں ہیں۔”

وزیر داخلہ نے بیرون ملک بیٹھ کر ریاستی اداروں کے خلاف پروپیگنڈا کرنے والے افراد کو شدید تنقید کا نشانہ بنایا اور کہا کہ ایسے افراد کو سمجھ لینا چاہیے کہ وہ جلد پاکستان واپس آ رہے ہیں اور انہیں ہر جھوٹ کا حساب دینا ہوگا۔

افغان باشندے: واپسی کے عمل میں تیزی

وزیر داخلہ محسن نقوی کی میڈیا سے گفتگو میں بتایا کہ ملک بھر میں غیرقانونی افغان باشندوں کی واپسی کا عمل جاری ہے اور پنجاب، سندھ اور بلوچستان میں پیش رفت تیز ہے، تاہم خیبرپختونخوا میں مشکلات کا سامنا ہے کیونکہ وہاں افغان شہریوں کو تحفظ دیا جارہا ہے۔
انہوں نے کہا کہ "افغان باشندوں سے درخواست ہے کہ باعزت طریقے سے واپس لوٹ جائیں، اب اس معاملے پر کوئی سمجھوتہ نہیں ہوگا۔”

وزیر داخلہ محسن نقوی کی میڈیا سے گفتگو میں انکشاف کیا کہ اسلام آباد کے خودکش حملے سمیت حالیہ اکثر دہشتگردی واقعات میں افغان شہری ملوث پائے گئے، جبکہ 17 ستمبر تک چار لاکھ افغان باشندے طورخم بارڈر کے ذریعے واپس بھیجے جا چکے ہیں۔

قومی سلامتی پر کوئی سمجھوتہ نہیں

محسن نقوی نے کہا کہ پاکستان مزید دہشتگردی کا متحمل نہیں ہوسکتا، اور قومی سلامتی کے معاملے پر نہ کوئی سیاست کی جائے گی اور نہ ہی کسی دباؤ کے تحت فیصلہ کیا جائے گا۔

وزیر داخلہ محسن نقوی کی میڈیا سے گفتگو مزید کہا کہ جو افغان شہری پاکستان میں رہنا چاہتے ہیں وہ قانونی طریقہ اپنائیں، جبکہ اب دوبارہ غیرقانونی طور پر سرحد پار کرنے کی کوشش پر فوری گرفتاری عمل میں آئے گی۔

Interior Minister Mohsin Naqvi: “Someone sitting in London is spewing this nonsense that there are problems within our institutions, and is doing propaganda by putting up pictures of our generals. Let me tell them: you are coming back very soon, we will bring you back, and you… pic.twitter.com/HzOuYQ10PG
— Murtaza Ali Shah (@MurtazaViews) December 1, 2025