وفاقی کابینہ میں توسیع اور ردوبدل کی تیاریاں، نئے چہرے شامل کیے جانے کا امکان

وفاقی کابینہ میں توسیع اور ردوبدل کی تیاریاں، نئے چہرے شامل کیے جانے کا امکان، وفاقی کابینہ میں بلوچستان اور خیبرپختونخوا سے نئے چہروں کو بھی شامل کیے جانے کا امکان

اسلام آباد: وفاقی کابینہ میں توسیع اور ردوبدل کی تیاریاں تیز کر دی گئی ہیں۔ ذرائع کے مطابق حکومت بعض وفاقی وزرا کے قلمدان تبدیل کرنے اور کابینہ میں نئے ارکان کو شامل کرنے پر غور کر رہی ہے، جبکہ اس حوالے سے سیاسی قیادت اور اتحادی جماعتوں سے مشاورت جاری ہے۔

ذرائع کا کہنا ہے کہ وزیراعظم نے اتحادی جماعتوں کی نمائندگی بڑھانے کے لیے مختلف سیاسی رہنماؤں سے مشاورت کا عمل تیز کر دیا ہے۔ مجوزہ تبدیلیوں کے تحت وفاقی کابینہ میں بلوچستان اور خیبرپختونخوا سے نئے چہروں کو بھی شامل کیے جانے کا امکان ہے تاکہ صوبوں کی نمائندگی مزید مؤثر بنائی جا سکے۔

ذرائع کے مطابق بلوچستان عوامی پارٹی (بی اے پی) اور متحدہ قومی موومنٹ (ایم کیو ایم) کو بھی وفاقی کابینہ میں مزید نمائندگی دینے پر غور کیا جا رہا ہے۔

حکومتی ذرائع کا کہنا ہے کہ بعض وفاقی وزرا کے قلمدانوں میں بھی ردوبدل متوقع ہے، جبکہ مجموعی کابینہ کی تشکیل نو سے متعلق حتمی فیصلہ آئندہ چند روز میں متوقع ہے۔

ذرائع کے مطابق وزیراعظم کی حتمی منظوری کے بعد وفاقی کابینہ میں توسیع اور ردوبدل کا باضابطہ اعلان کیا جائے گا۔ تاہم، حکومت کی جانب سے اس حوالے سے ابھی تک کوئی سرکاری اعلامیہ جاری نہیں کیا گیا۔

وفاقی کابینہ میں شمولیت کےلیے زیرغور نئےنام سامنےآگئے

وفاقی کابینہ کےلیےرانا ادارت شریف،وجیہہ قمر،علی زاہد،رانا احسان افضل،اختیار ولی،نوشین افتخار،عبدالرحمان کانجوکو،شمائلہ رانا،فیصل سبزواری،مختارملک،آمنہ بتول،سینیٹرشاہزیب درانی،سینیٹرافنان اللہ،سینیٹربشریٰ انجم کے نام شامل https://t.co/UhhTPJnd72
— Ali Tanoli (@alitanoli889) July 13, 2026