کانگو کے جنگلات میں گلابی نارنجی ہونٹوں والا بندر دریافت، سائنس نے نئی نسل قرار دے دیا
کنشاسا: سائنس دانوں نے جمہوریہ کانگو (DRC) کے گھنے برساتی جنگلات میں پائے جانے والے ایک نایاب بندر کو باضابطہ طور پر نئی نسل (Species) قرار دے دیا ہے۔ اس بندر کی سب سے نمایاں خصوصیت اس کے گلابی مائل نارنجی ہونٹ، سیاہ چہرہ اور سیاہ گھنے بال ہیں، جو اسے دیگر بندروں سے منفرد بناتے ہیں۔
یہ نایاب بندر لومامی نیشنل پارک کے گھنے جنگلات میں درختوں کی بلند شاخوں پر رہتا ہے۔ ماہرین نے اسے پہلی بار 2008 میں دیکھا تھا، تاہم اس وقت صرف ایک دھندلی تصویر ہی حاصل ہو سکی تھی۔
دس سال بعد دوبارہ نظر آنے پر کانگو، امریکا اور جرمنی کے سائنس دانوں کی مشترکہ ٹیم نے اس پر تفصیلی تحقیق شروع کی، جس میں جینیاتی تجزیہ، تصاویر، آوازوں کی ریکارڈنگ اور فیلڈ اسٹڈی شامل تھی۔
تحقیق کے نتائج معروف سائنسی جریدے PLoS One میں شائع ہوئے، جن میں اس بندر کو باقاعدہ نئی نسل قرار دیا گیا۔ یہ گزشتہ 75 برسوں میں دریافت ہونے والی افریقا کی پانچویں نئی بندر نسل ہے۔
مقامی لوگ پہلے ہی جانتے تھے
اگرچہ سائنس کے لیے یہ نئی دریافت ہے، لیکن مقامی افراد گلابی نارنجی ہونٹوں والا بندر کو پہلے سے جانتے تھے اور اسے "لیکویلی” (Likweli) کے نام سے پکارتے ہیں۔
تحقیقاتی ٹیم کے رکن اور فلوریڈا اٹلانٹک یونیورسٹی کے پی ایچ ڈی طالب علم جونیئر امبوکو کے مطابق گلابی نارنجی ہونٹوں والا بندر انتہائی شرمیلا ہے اور زیادہ تر وقت درختوں کی بلند شاخوں میں چھپا رہتا ہے۔
انہوں نے بتایا کہ ٹیم نے 52 دیہات کے افراد سے معلومات حاصل کیں، تاہم صرف 8 دیہات کے لوگوں نے گلابی نارنجی ہونٹوں والا بندر کو اپنی آنکھوں سے دیکھنے کی تصدیق کی۔
منفرد آواز اور ماحول میں اہم کردار
سائنس دانوں نے اس نئی نسل کا سائنسی نام کولوبس کونگوئنسس (Colobus congoensis) رکھا ہے۔
یہ کولوبس بندروں کے خاندان سے تعلق رکھتا ہے، جو انگوٹھے کے بغیر ہوتے ہیں اور بنیادی طور پر درختوں کے پتے کھاتے ہیں۔ ماہرین کے مطابق یہ جنگلات میں بیجوں کے پھیلاؤ اور درختوں کی افزائش میں اہم کردار ادا کرتے ہیں۔
گلابی نارنجی ہونٹوں والا بندر کی ایک اور خاص بات اس کی زور دار گرج دار آواز ہے، جو دور تک سنائی دیتی ہے، اگرچہ خود بندر درختوں میں چھپا رہتا ہے۔
تحفظ کی ضرورت
ماہرین کا کہنا ہے کہ یہ نایاب بندر محدود علاقے میں پایا جاتا ہے اور گوشت کے لیے غیر قانونی شکار کی وجہ سے خطرات سے دوچار ہے۔
سائنس دانوں کو امید ہے کہ نئی نسل کے طور پر سرکاری شناخت ملنے کے بعد اس بندر کو قانونی تحفظ حاصل ہوگا اور اس کے مسکن کے تحفظ کے لیے مؤثر اقدامات کیے جائیں گے۔
تحقیقی ٹیم اب اس نایاب نسل کی آبادی، رہن سہن اور رویوں پر مزید تحقیق کرنے کا ارادہ رکھتی ہے تاکہ اس منفرد بندر کو معدوم ہونے سے بچایا جا سکے۔
Found in the Democratic Republic of Congo, researchers have identified a new monkey species, commonly known as 'Likweli' by communities living in the region pic.twitter.com/JcNrw84vXg
— Reuters (@Reuters) July 16, 2026
READ MORE FAQS”
سوال 1: گلابی ہونٹوں والا بندر کہاں دریافت ہوا؟
جواب: یہ نایاب بندر جمہوریہ کانگو کے لومامی نیشنل پارک کے گھنے جنگلات میں دریافت ہوا۔
سوال 2: اس نئی نسل کا سائنسی نام کیا ہے؟
جواب: سائنس دانوں نے اس بندر کو Colobus congoensis کا نام دیا ہے۔
سوال 3: یہ دریافت کیوں اہم ہے؟
جواب: گزشتہ 75 برس میں افریقہ میں بندر کی دریافت ہونے والی یہ صرف پانچویں نئی نسل ہے، جو حیاتیاتی تنوع کے لیے انتہائی اہم سمجھی جا رہی ہے۔
سوال 4: کیا یہ بندر خطرے سے دوچار ہے؟
جواب: ماہرین کے مطابق اس کی تعداد بہت کم ہے اور شکار کے باعث اسے تحفظ فراہم کرنے کی ضرورت ہے۔
