وزیراعظم کی منظوری: پی ایس ایل پلے آف میچز شائقین کے ساتھ اسٹیڈیم میں ہوں گے
اسلام آباد: وزیراعظم شہباز شریف نے پاکستان سپر لیگ (پی ایس ایل) کے پلے آف میچز شائقین کے ساتھ اسٹیڈیم میں دیکھنے کی اجازت دے دی ہے، جس کے بعد کرکٹ فینز میں خوشی کی لہر دوڑ گئی ہے۔
محسن نقوی، چیئرمین پاکستان کرکٹ بورڈ (پی سی بی) نے بتایا کہ ان کی وزیراعظم سے ملاقات ہوئی جس میں اس اہم فیصلے کی منظوری دی گئی۔ انہوں نے کہا کہ یہ خبر شائقینِ کرکٹ کے لیے نہایت خوش آئند ہے۔
محسن نقوی نے شائقین سے اپیل کی کہ وہ میچز دیکھنے کے لیے پبلک ٹرانسپورٹ کا استعمال کریں اور ایندھن کے استعمال کو کم سے کم رکھیں تاکہ قومی کفایت شعاری مہم میں بھرپور تعاون کیا جا سکے۔
انہوں نے مزید کہا کہ وزیراعظم نے پی ایس ایل پلے آف میچز میں شریک چاروں ٹیموں کے لیے نیک خواہشات کا اظہار کیا ہے، جبکہ اب سب کی نظریں سنسنی خیز مقابلوں پر مرکوز ہیں۔
ماہرین کے مطابق اس فیصلے سے نہ صرف اسٹیڈیمز کا ماحول مزید پرجوش ہوگا بلکہ پی ایس ایل کی مقبولیت میں بھی اضافہ متوقع ہے۔
𝐓𝐡𝐞 𝐰𝐚𝐢𝐭 𝐢𝐬 𝐨𝐯𝐞𝐫, 𝐢𝐭’𝐬 𝐭𝐢𝐦𝐞 𝐭𝐨 𝐟𝐢𝐥𝐥 𝐭𝐡𝐞 𝐠𝐫𝐨𝐮𝐧𝐝 𝐰𝐢𝐭𝐡 𝐲𝐨𝐮𝐫 𝐫𝐨𝐚𝐫, 𝐞𝐧𝐞𝐫𝐠𝐲, 𝐚𝐧𝐝 𝐩𝐚𝐬𝐬𝐢𝐨𝐧 🙌🏼
We welcome back our fans who have been with us on this journey.
𝐃𝐄𝐓𝐀𝐈𝐋𝐒 𝐅𝐎𝐑 𝐓𝐈𝐂𝐊𝐄𝐓𝐒 𝐒𝐀𝐋𝐄 𝐓𝐎 𝐁𝐄… pic.twitter.com/O9pL3lWSxY
— PakistanSuperLeague (@thePSLt20) April 27, 2026
